മലയാളികളുടെ പ്രിയങ്കരിയാണ് നടി അനു ജോസഫ്. കാര്യം നിസ്സാരം എന്ന ഷോയിലൂടെ പ്രേക്ഷകര്ക്ക് മുന്നിലെത്തി നടിയായും യൂട്യൂബറായും തിളങ്ങുകയാണ്. ഏറ്റവും ഒടുവില് പ്രത്യക്ഷപ്പെട്ടത് ബിഗ് ബോസ് റിയാലിറ്റി ഷോയിലാണ്. സമൂഹമാദ്ധ്യമങ്ങളിൽ സജീവമായ നടിയുടെ വാർത്തകൾ വളരെപ്പെട്ടന്നാണ് ചർച്ചയാകുന്നത്. ഇപ്പോഴിതാ അനുവിന്റെ പുതിയ വിശേഷങ്ങളാണ് ശ്രദ്ധനേടുന്നത്.
പൂച്ചകളെ ഏറെ ഇഷ്ടപ്പെടുന്ന ആളാണ് അനു. ഇപ്പോഴിതാ തന്റെ പൂച്ചകള്ക്ക് വേണ്ടി ഒരുക്കുന്ന പുതിയ കൂടിനെ കുറിച്ച് പറയുകയാണ് അനു. വീട്ടില് പൂച്ചകള്ക്ക് വേണ്ടി മാത്രം 1200 സ്വകയര്ഫീറ്റുള്ള ഒരു ഏരിയ ‘പൂച്ചകൊട്ടാരത്തിന്’ വേണ്ടി ഒരുക്കുകയാണ് താരം. വേണമെങ്കില് ഒരു കോടിയുടെ പൂച്ചക്കൂട് എന്നൊക്കെ പറയാമെന്നാണ് നടി പറയുന്നത്. അത്രയും സൗകര്യങ്ങളോടെ അവര്ക്കുള്ള വീട് ഒരുക്കണം എന്നാണ് യൂട്യൂബര് കൂടിയായ അനുവിന്റെ പ്ലാന്.
അതേസമയം ഈ വീടിന്റെ പണി തീര്ന്നാല് കേരളത്തില് എന്നല്ല, ഇന്ത്യയില് എന്നല്ല ലോകത്തിലെ തന്നെ നമ്പര് വണ് പൂച്ച കൂട് ആയിരിക്കും ഇതെന്നാണ് അനു പറയുന്നത്.
ഇതോടൊപ്പം പൂച്ചകള്ക്ക് വേണ്ടി ഏസി സൗകര്യം ഒക്കെ കൂട്ടില് ഒരുക്കണമെന്നും അനുവിന് ആഗ്രഹമുണ്ട്. ദൈവം സഹായിച്ച് അതിന് സാധിക്കട്ടെയെന്നും നടി പറയുന്നു. ലോക്ക് ഡൗണ് കാലത്താണ് ആദ്യമായി അനുവിന്റെ പൂച്ച പ്രേമം തുടങ്ങുന്നത്. പൂച്ചകൾ വർദ്ധിച്ചപ്പോൾ കുറച്ച് സ്ഥലം വാങ്ങി വീട് വയ്ക്കുന്നതിനെ കുറിച്ച് ആലോചിക്കുകയായിരുന്നും അനു പറയുന്നു.
