തമിഴ്നാട്ടിലെ ഒരു ഗ്രാമം! പേര് അമ്മൻകുടി, ആ നാടിന്റെ മടിതട്ടിലേയ്ക്ക് ഹേമാ മാലിനി ജനിച്ചുവീണത് ബോളിവുഡ് ചലച്ചിത്ര ലോകത്തിന്റെ ഹൃദയം കീഴടക്കാനായിരുന്നു. ബോളിവുഡിന്റെ കവാടം തുറന്ന് നടന്നു നീങ്ങിയ താരത്തെ കാത്തുനിന്നത് പദ്മശ്രീ അടക്കം നിരവധി ദേശീയ പുരസ്കാരങ്ങൾ.. നൃത്ത ലോകത്ത് ചടുലത തീർത്തുകൊണ്ട് അനേകായിരം പേരുടെ ഹൃദയം കീഴടക്കിയ താരം സതി, പാർവതി, ദുർഗ എന്നിങ്ങനെ നിരവധി വേഷങ്ങളിലെത്തിയിരുന്നു.
ഇപ്പോഴിതാ ബോളിവുഡിന്റെ ‘ഡ്രീം ഗേൾ’ ഹേമാ മാലിനി പുതിയ നൃത്ത പരിപാടി അവതരിപ്പിക്കാനൊരുങ്ങുകയാണ്. ഇതിനായി ഡെറാഡൂണിലാണ് താരം എത്തിയിരിക്കുന്നത്. സാംസ്കാരിക വകുപ്പ് ഡയക്ടർ ബീന ഭട്ടിന്റെ ക്ഷണപ്രകാരം എത്തിയ ഹേമാ മാലിനി ഡെറാഡൂണിൽ ഏറെ ജനപ്രീതി നേടിയ കലാരൂപമായ ബാലെ ആണ് അവതരിപ്പിക്കുക. ഡെറാഡൂണിൽ എത്തിയതിന്റെ സന്തോഷ നിമിഷങ്ങൾ നടി ഇൻസ്റ്റഗ്രാമിലൂടെ പങ്കിട്ടു. ‘ഡെറാഡൂണിൽ എക്കാലത്തും ജനപ്രീതിയാർജിച്ച ‘മാ ദുർഗാ ബാലെ’ നൃത്തം അവതരിപ്പിക്കാനായി താൻ ഇവിടെ എത്തിരിക്കുകയാണ്.പ്രാദേശിക കലാകാരന്മാരുടെ മനോഹരമായ നൃത്തത്തോടെ ഹോട്ടൽ ഹയാത്ത് തന്നെ സ്വാഗതം ചെയ്തു.’ എന്ന് താരം ഇൻസ്റ്റഗ്രാമിൽ കുറിച്ചു. ഇതിന് മുമ്പ് നടി മുംബൈയിൽ വച്ച് ‘ഗംഗ ബാലെ’ നൃത്തം അവതരിപ്പിച്ചത് സാമൂഹ്യ മാദ്ധ്യമങ്ങളിൽ വൈറലായിരുന്നു.
Comments