കോട്ടയം: സംസ്ഥാനത്തെ ആരോഗ്യ മേഖലയ്ക്കെതിരെ തുറന്നടിച്ച് ബിജെപി സംസ്ഥാന ജനറൽ സെക്രട്ടറി ജോർജ് കുര്യൻ. ആരോഗ്യ മേഖലയിൽ സർക്കാർ തീർത്തും പരാജയമാണെന്ന് അദ്ദേഹം ആരോപിച്ചു. കഴിവില്ലാത്ത ആരോഗ്യ മന്ത്രിയുടെ പ്രവർത്തനമാണ് ആരോഗ്യ മേഖലയെ തകർക്കുന്നത്.
സംസ്ഥാനത്തെ ആരോഗ്യ വകുപ്പിന്റെ കെടുകാര്യസ്ഥതയ്ക്കും അഴിമതിക്കും എതിരെ കോട്ടയം ജില്ലാ ജനറൽ ആശുപത്രി കവാടത്തിൽ സംഘടിപ്പിച്ച ബിജെപി ധർണ്ണയിൽ സംസാരിക്കുകയായിരുന്നു ജോർജ് കുര്യൻ. ബിജെപി ജില്ലാ അദ്ധ്യക്ഷൻ ലിജിൻ ലാൽ, സംസ്ഥാന വക്താവ് അഡ്വ. നാരായണൻ നമ്പൂതിരി, സംസ്ഥാന സമിതി അംഗം ബി രാധാകൃഷ്ണ മേനോൻ തുടങ്ങിയവർ ധർണ്ണയിൽ സംസാരിച്ചു.
