ആപ്പിളിന്റെ ഐ-ഫോണും ആൻഡ്രോയിഡിന്റ സ്മാർട്ട്ഫോണുകളും തമ്മിലുള്ള പോരാട്ടം മുറുകുമ്പോൾ ആപ്പിളിനെ പിന്തള്ളി വിജയക്കൊടി പാറിപ്പിച്ചിരിക്കുകയാണ് സാംസംഗ്. മികച്ച സ്മാർട്ട്ഫോണുകൾ പുറത്തിറക്കി ആഗോളതലത്തിൽ ഒന്നാം സ്ഥാനം നിലനിർത്തിരിക്കുകയാണ് സാംസംഗ്. ആപ്പിളിന് രണ്ടാം സ്ഥാനവും, ഷവോമിക്ക് മൂന്നാം സ്ഥാനവുമാണുള്ളത്.
ഫസ്റ്റ് പ്രൈസ് ഗോസ് ടു സാംസംഗ്..
ജനപ്രീതി നേടി ആഗോള വിപണിയിൽ ഒന്നാം സ്ഥാനം നിലനിർത്തിരിക്കുകയാണ് സാംസംഗ്. ആഗോളതലത്തിൽ കൂടുതൽ ഡിവൈസുകൾ വിൽപ്പന നടത്തി മൊത്തം സ്മാർട്ട്ഫോൺ വിൽപ്പനയിൽ 22 ശതമാനം വിപണി വിഹിതവും സാംസംഗ് നേടിയിട്ടുണ്ട്.
സെക്കൻഡ് പ്രൈസ് ഗോസ് ടു ആപ്പിൾ..
ആഗോളതലത്തിൽ സ്മാർട്ട്ഫോൺ വിപണിയിൽ ആപ്പിളാണ് രണ്ടാം സ്ഥാനം കൈവരിച്ചിരിക്കുന്നത്. മൊത്തം സ്മാർട്ട്ഫോൺ വിൽപ്പനയുടെ 20 ശതമാനം നേടാൻ ആപ്പിളിന് സാധിച്ചിട്ടുണ്ട്.
തേഡ് പ്രൈസ് ഗോസ് ടു ഷവോമി..
കുറഞ്ഞ വിലയിൽ മികച്ച സ്മാർട്ട്ഫോണുകൾ വിപണിയിലിറക്കി ജനപ്രീതി നേടിയ സ്മാർട്ട്ഫോൺ കമ്പനികളിലൊന്നാണ് ഷവോമി. ആഗോളതലത്തിൽ മൂന്നാം സ്ഥാനമാണ് ഷവോമിക്കുള്ളത്. ഷവോമിയുടെ പ്രധാന വിപണികളായ ചൈനയിലും ഇന്ത്യയിലും സ്മാർട്ട്ഫോൺ വിൽപ്പനയിൽ ഇടിവ് വന്നപ്പോഴും മറ്റ് വിപണികളിൽ മികച്ച പ്രകടനം കാഴ്ചവച്ച് മുന്നേറാൻ ഷവോമിയ്ക്ക് കഴിഞ്ഞതാണ് കമ്പനിയെ മൂന്നാം സ്ഥാനത്തിലെത്തിച്ചത്.
