കർക്കിടക മാസമാണ് നാം രാമായണമാസമായി ആചരിക്കുന്നത്. ഈ മാസവും ശ്രീരാമനുമായുള്ള ബന്ധം എന്താണെന്നു അറിയേണ്ടതുണ്ട്. ശ്രീരാമൻ അവതരിച്ചത് മീനമാസത്തിലോ മേടമാസത്തിലോ ആണെല്ലോ. ഇപ്പോൾ ശ്രീരാമ നവമി മീനമാസത്തിൽ ആണല്ലോ ആഘോഷിക്കുന്നത്?. “ഉച്ചത്തിൽ പഞ്ചഗ്രഹം നിൽക്കുന്ന കാലത്തിങ്കൽ അച്യുതൻ അയോധ്യയിൽ കൗസല്യാത്മജനായാൻ” എന്നാണ് തുഞ്ചത്തെഴുത്തച്ഛൻ രാമാവതാരത്തെ ചൂണ്ടിക്കാട്ടിയിട്ടുള്ളത്. പുണർതം നക്ഷത്രം വെളുത്ത പക്ഷത്തിലെ നവമിതിഥി താരാനാഥനായ ചന്ദ്രനോടുകൂടി ഗുരു കർക്കിടകത്തിൽ ഉച്ചസ്ഥിതനായി.
“അർക്കനുമത്യുസ്ഥൻ ഉദയം കർക്കിടകം..” സൂര്യൻ അത്യുസ്ഥൻ എന്ന് പറയുമ്പോൾ മേടം പത്തിന് അതായത് മേടം രാശിയിൽ 10 ഡിഗ്രിയിൽ സൂര്യൻ നിൽക്കുമ്പോൾ(അപ്പോൾ മീനത്തിൽ ശ്രീരാമനവമി വന്നതെന്തെന്നു ചോദ്യം വരും. അത് അയനാംശത്തിന്റെ വ്യത്യാസത്തിൽ കാലാന്തരത്തിൽ വന്ന മാറ്റം).
അർക്കജനായ ശനി തുലാം രാശിയിൽ, ഭൃഗുപുത്രനായ ശുക്രൻ മീനത്തിൽ, വക്രനായ ചൊവ്വ മകരം രാശിയിൽ, ഇങ്ങനെയുള്ള ഗ്രഹനില സമയത്താണ് സാക്ഷാൽ ജഗന്നാഥൻ അവതരിച്ചത്. അപ്പോൾ കർക്കിടക മാസം എന്തുകൊണ്ടാണ് ആചരിക്കുന്നത് .?? കർക്കിടക മാസത്തിലെ ഔഷധസേവയുടെ ഗുണത്തിൽ ദശരഥനിൽ ഉണ്ടായ വീര്യവർദ്ധനവാണ്, അത് അഗ്നിയിൽ വേവിച്ചെടുത്ത ആ പായസത്തിലെ ഔഷധ മൂല്യത്തിലാണ് സന്താന ലഭ്യതയുടെ മൂലം. കർക്കിടകത്തിൽ ദശരഥനെ നിന്ന് വീര്യം നേടിയ ഭാര്യമാർ ഗർഭിണികളായി അതായത് ആധാന ലഗ്നം കർക്കിടകമാണ്. അതിനാൽ രാമാവതാരം അവിടെ തുടങ്ങി .അങ്ങനെ കർക്കിടകം രാമായണമാസമായി 9 മാസവും ഒൻപത് ദിവസവും അഥവാ പത്താം മാസം ഭൂ സ്പർശത്തോടെ (10 ചന്ദ്ര മാസം) ശ്രീരാമതാരം നടന്നു.
എഴുതിയത്
എ പി ജയശങ്കർ
ഫോൺ : 9447213643
ശ്രീ എ പി ജയശങ്കർ എഴുതിയ രാമായണ തത്വ വിചാരത്തിന്റെ മറ്റു ഭാഗങ്ങൾ വായിക്കാൻ ഈ ലിങ്കിൽ ക്ലിക്ക് ചെയ്യുക
https://janamtv.com/tag/ramayana-thatwavicharam/
Comments