ഓക്ലൻഡ്: വനിതാ ലോകകപ്പ് ഫുട്ബോളിൽ മൂന്നടിച്ച് ലോകചാമ്പ്യൻമാരായ അമേരിക്കയ്ക്ക് മികച്ചതുടക്കം. വിയറ്റ്നാമിനെ 3-0 ന് പരാജയപ്പെടുത്തിയാണ് അമേരിക്ക ലോകകപ്പിലെ വരവറിയിച്ചത്. ആദ്യ പകുതിയിൽ അമേരിക്കയ്ക്കായി യുവതാരം സോഫിയ സ്മിത്ത് നേടിയ ഇരട്ട ഗോളുകളാണ് അമേരിക്കയ്ക്ക് വിജയം സമ്മാനിച്ചത്.
വനിത ലോകകപ്പ് അരങ്ങേറ്റ മത്സരത്തിൽ ഒന്നിലധികം ഗോളുകൾ നേടുന്ന ഏറ്റവും പ്രായം കുറഞ്ഞ താരമായി 22 കാരിയായ സോഫിയ. വിയറ്റ്നം-അമേരിക്കൻ മത്സരത്തിനിടെ താരം തന്റെ 14-ാമത്തെ മിനിറ്റിൽ അലക്സ് മോർഗന്റെ ബാക് ഹീൽ പാസിൽ നിന്നുമാണ് ആദ്യ ഗോൾ നേടിയത്. തുടർന്ന് ആദ്യ പകുതിയുടെ ഇഞ്ച്വറി സമയത്ത് കോർണറിൽ നിന്നു ലഭിച്ച അവസരവും ഗോളാക്കി. 77 മത്തെ മിനിറ്റിൽ സോഫിയയുടെ പാസിൽ നിന്നു ഗോൾ നേടിയ ക്യാപ്റ്റൻ ലിന്റ്സി ഹോറൻ ആണ് അമേരിക്കൻ ജയം പൂർത്തിയാക്കിയത്.
Comments