ന്യൂഡൽഹി : കശ്മീരിലെ ഏറ്റവും പുരാതനമായ ‘ശങ്കരാചാര്യ ക്ഷേത്രത്തിൽ ദർശനം നടത്തി സംവിധായകൻ വിവേക് രഞ്ജൻ അഗ്നിഹോത്രിയും പല്ലവി ജോഷിയും . തങ്ങളുടെ വരാനിരിക്കുന്ന ‘കശ്മീർ ഫയൽസ് അൺറിപോർട്ട്ഡ്’ എന്ന പരമ്പരയുടെ ട്രെയിലർ മുന്നോടിയായാണ് ക്ഷേത്രദർശനം .ശ്രീനഗറിൽ സീരീസിന്റെ ട്രെയിലർ പുറത്തിറക്കുന്നത്.
കശ്മീരി ഹിന്ദുക്കൾ പതിവായി സന്ദർശിക്കുന്ന ശങ്കരാചാര്യ ക്ഷേത്രം ദേശീയ പ്രാധാന്യമുള്ള ഒരു സ്മാരകമാണ്, ഇത് ആർക്കിയോളജിക്കൽ സർവേ ഓഫ് ഇന്ത്യയുടെ കീഴിൽ കേന്ദ്രീകൃതമായി സംരക്ഷിക്കപ്പെട്ടിരിക്കുന്നു.ഈ പരമ്പര കാശ്മീരി പണ്ഡിറ്റുകൾക്ക് വേണ്ടിയുള്ളതും അവരുടെ ദുരവസ്ഥയെ കാണിക്കുന്നതുമായതിനാലാണ് , കാശ്മീരി പണ്ഡിറ്റുകൾ ദർശനം നടത്താൻ വിവേക് അഗ്നിഹോത്രി തീരുമാനിച്ചത് .
‘ദ കശ്മീർ ഫയൽസ്’ രാജ്യത്തെ നടുക്കിയ മഞ്ഞുമലയുടെ അഗ്രം മാത്രമായിരുന്നു. റിപ്പോർട്ട് ചെയ്യപ്പെടാത്ത യാഥാർത്ഥ്യങ്ങളും വസ്തുതകളും കൂട്ടക്കൊലയ്ക്ക് പിന്നിലെ സത്യവും കശ്മീരി പണ്ഡിറ്റുകളുടെ പലായനവും അനാവരണം ചെയ്യുന്നതിനാൽ സീരീസ് കൂടുതൽ ഹൃദയഭേദകവും കണ്ണ് തുറപ്പിക്കുന്നതും ആണെന്ന് നിർമ്മാതാക്കൾ പറഞ്ഞു.
Comments