ഋഷഭ് പന്തിന്റെ അസാന്നിദ്ധ്യത്തില്‍ ലോകകപ്പ് സ്‌ക്വാഡിലേക്ക് പരിഗണിക്കുന്നവരില്‍ ഏറെ മുന്‍പന്തിയിലാണ് മലയാളി താരം സഞ്ജു വി സാംസണിന്റെ പേര്. പക്ഷേ അത് ഉറപ്പാക്കണമെങ്കില്‍ സ്ഥിരതയുള്ള മികച്ച പ്രകടനങ്ങള്‍ ഈ മലയാളി താരത്തില്‍ നിന്നുണ്ടാകണം. ലോകകപ്പില്‍ കെ.എല്‍ രാഹുല്‍ പരിക്ക് മാറി മദ്ധ്യനിര ബാറ്ററായി എത്തിയാല്‍ ബാക്ക് അപ്പ് കീപ്പറായി ഒരാളെ ടീമിലുള്‍പ്പെടുത്തും. സഞ്ജുവിനൊപ്പം ഇഷാന്‍ കിഷനും ആ സ്ഥാനത്തിനായുള്ള ഓട്ടത്തിലാണ്.
രോഹിത് ശര്‍മ്മ, വിരാട് കോഹ്ലി, ശുഭ്മാന്‍ ഗില്‍ എന്നിവര്‍ ടോപ്പ് ഓര്‍ഡര്‍ ബാറ്റര്‍മാരായി ഉള്ള നിലയ്‌ക്ക് ഇഷാന്‍ കിഷന് ടീമില്‍ അവസരം ലഭിക്കുന്നത് കുറവാകും. കാരണം ഇഷാനും ടോപ്പ് ഓര്‍ഡര്‍ ബാറ്ററാണ്. അതേസമയം സഞ്ജു ഏത് പൊസിഷനിലും കളിക്കുമെന്നത് ഒരു എക്‌സ് ഫാക്ടറാണ്.
ഇതിനിടെ വെസ്റ്റിന്‍ഡീസിനെതിരായ ഏകദിന പരമ്പരക്ക് മുമ്പ് ടീം ഇന്ത്യയുടെ പുതിയ ഏകദിന ജേഴ്സി പുറത്തിറക്കി. ഡ്രീം ഇലവന്‍ ജേഴ്സി സ്പോണ്‍സര്‍മാരായി എത്തിയശേഷം പുറത്തിറക്കുന്ന ആദ്യ ഏകദിന ജഴ്സിയാണിത്.ക്യാപ്റ്റന്‍ രോഹിത് ശര്‍മയോ വിരാട് കോഹ്ലിയോ ഇല്ലാതെയാണ് ഇന്ത്യയുടെ പുതിയ ജേഴ്സി അവതരിപ്പിച്ചത്.ശുഭ്മാന്‍ ഗില്‍, ഹാര്‍ദ്ദിക് പാണ്ഡ്യ, മലയാളി താരം സഞ്ജു സാംസണ്‍, ശുഭ്മാന്‍ ഗില്‍, ഇഷാന്‍ കിഷന് തുടങ്ങിയ യുവനിരയാണ് പുതിയ ജഴ്സി ധരിച്ച് ഫോട്ടോയ്‌ക്ക് പോസ് ചെയ്യുന്നത്.സീനിയര്‍ താരങ്ങളെ ഒഴിവാക്കി ജേഴ്സി പുറത്തിറക്കിയത് ഇന്ത്യന്‍ ക്രിക്കറ്റ് ടീമിന്റെ ഭാവിയിലേക്കുള്ള സൂചനയാണെന്നും ആരാധകര്‍ ചൂണ്ടിക്കാട്ടുന്നുണ്ട്.
Test Cricket ✅
On to the ODIs 😎📸#TeamIndia | #WIvIND pic.twitter.com/2jcx0s4Pfw
— BCCI (@BCCI) July 26, 2023
“>
അഡിഡാസ് ഇന്ത്യയുടെ കിറ്റ് സ്പോണ്‍സര്‍മാരായി എത്തിയശേഷം ആദ്യമായാണ് ഇന്ത്യ പരിമിത ഓവര്‍ പരമ്പര കളിക്കുന്നത്. ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ അഡിഡാസ് ജേഴ്സി ധരിച്ചിറങ്ങിയ ഇന്ത്യക്ക് ജേഴ്സി സ്പോണ്‍സര്‍മാരുണ്ടായിരുന്നില്ല. വെസ്റ്റ് ഇന്‍ഡീസിനെതിരായ ടെസ്റ്റ് പരമ്പരക്ക് തൊട്ടു മുമ്പാണ് ബൈജൂസിന് പകരം ജേഴ്സി സ്പോണ്‍സര്‍മാരായി ഡ്രീം ഇലവന്‍ എത്തിയത്.വിന്‍ഡീസിനെതിരായ ഏകദിന, ടി20 പരമ്പരകള്‍ക്ക് ശേഷം അയര്‍ലന്‍ഡിനെതിരായ ടി20 പരമ്പരയിലും ഏഷ്യാ കപ്പിലും ഇന്ത്യ കളിക്കുന്നുണ്ട്. ഈ പരമ്പരകളില്‍ ഇതേ ജഴ്സിയാവും ഇന്ത്യന്‍ ടീം ധരിക്കുക.
