ഇലോൺ മസ്ക് ട്വിറ്ററിന്റെ ലോഗോ മാറ്റി എക്സ്’ എന്ന് പുനർനാമകരണം ചെയ്തതിൽ പ്രതികരണവുമായി നിരവധിപേർ രംഗത്ത് വന്നിരുന്നു. വരാൻ പോകുന്ന നിരവധി മാറ്റങ്ങളിൽ ഒന്ന് മാത്രമാണ് ഇതെന്നാണ് മസ്ക് ഈ മാറ്റത്തെ സൂചിപ്പിച്ചത്. പുതിയ മാറ്റത്തെ അംഗീകരിക്കാൻ ചില ഉപയോക്താക്കൾക്ക് ബുദ്ധിമുട്ടായിരുന്നു. എന്നാൽ, ലോഗോ മാറ്റിയതോടെ പൂർണമായും ഉറക്കം നഷ്ടപ്പെട്ട ഒരാളുടെ വീഡിയോ ആണ് സമൂഹമാദ്ധ്യമങ്ങളിൽ ഇപ്പോൾ വൈറലാകുന്നത്.
സമൂഹമാദ്ധ്യമത്തിൽ കെൽ എന്ന യുവാവാണ് വിചിത്രമായ അനുഭവം പങ്കുവെച്ചിരിക്കുന്നത്. ട്വിറ്റിന്റെ ആസ്ഥാനത്തിന് അടുത്താണ് ഇയാൾ താമസിക്കുന്നത്. ലോഗോ മാറ്റിയതോടെ തന്റെ ഉറക്കം നഷ്ടമായെന്നാണ് ഇയാൾ പറയുന്നത്. ട്വിറ്റർ ഹെഡ്ക്വാർട്ടേഴ്സ് കെട്ടിടത്തിന് മുകളിൽ ബീമിംഗ് ലൈറ്റോടുകൂടി ട്വിറ്റർ ലോഗോയുടെ ചിത്രവും ഇയാൾ പങ്കുവെച്ചിട്ടുണ്ട്.
ലോഗോ ആയ എക്സ് വളരെ തെളിച്ചവും നല്ല പ്രകാശവും ഉള്ളതാണ്. അതിനാലാണ് എന്റെ ഉറക്കവും പോയത്. ഇത്ര തെളിച്ചമുള്ള ഒരു എക്സ് സിമ്പൽ നിങ്ങളുടെ ബെഡ് റൂമിന് കുറുകെ ആണെങ്കിൽ ഉറങ്ങാൻ സാധിക്കുമോ എന്നാണ് വീഡിയോ പങ്കുവെച്ചുകൊണ്ട് കെൽ ചോദിക്കുന്നത്.
കമ്പനിയുടെ റീ-ബ്രാൻഡിംഗ് വേളയിൽ കഴിഞ്ഞ ആഴ്ചയായിരുന്നു ലോഗോ സ്ഥാപിച്ചത്. വെള്ളി നിറത്തിൽ ഇരുമ്പ് ലോഹത്തിൽ പണിതീർത്ത കൂറ്റന് ലോഗോയ്ക്കെതിരെ സുരാക്ഷ ചൂണ്ടിക്കാട്ടി ഇതിനോടകം ഏകദേശം 24 ഓളം പരാതികളാണ് ലഭിച്ചിരിക്കുന്നത്. ഇത് പരിശോധിക്കുമെന്ന് സാന് ഫ്രാന്സിസ്കോ കെട്ടിടനിർമാണ പരിശോധന വിഭാഗം അധികൃതർ അറിയിച്ചു. ലോഗോയിൽ നിന്നും അമിതമായി പുറപ്പെടുവിക്കുന്ന വെളിച്ചം വാഹനാപകടങ്ങൾ അടക്കമുള്ള പ്രശ്നങ്ങളാണ് സൃഷ്ടിക്കുന്നത്. കൂടാതെ ലോഗോ സ്ഥാപിച്ചത് സുരക്ഷാ അനുമതി വാങ്ങാതെയാണെന്ന് നേരത്തെയും ആരോപണങ്ങളുണ്ട്. ഈ സാഹചര്യത്തിൽ ഉടൻ തന്നെ പടുകൂറ്റൻ ലോഗോ അധികൃതർ നീക്കം ചെയ്യാനാണ് സാധ്യത.
Comments