‘രോമാഞ്ചം’ എന്ന ചിത്രത്തിലൂടെ മലയാലികളുടെ മനംകവർന്ന സംവിധായകൻ ജിത്തു മാധവന്‍ വിവാഹിതനായി. സഹസംവിധായികയായ ഷിഫിന ബബിന്‍ പക്കറാണ് വധു. വിവാഹത്തിന്റെ ചിത്രങ്ങള്‍ ഷിഫിനയാണ് സമൂഹമാദ്ധ്യമങ്ങളിലൂടെ പങ്കുവെച്ചത്.
ഇരുവരുടെയും വിവാഹ ചടങ്ങുകൾ വളരെ ലളതമായിട്ടാണ് നടന്നത്. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങില്‍ പങ്കെടുത്തത്. നവദമ്പതികള്‍ക്ക് ആശംസയുമായി നിരവധി പേരാണ് ചിത്രങ്ങള്‍ക്ക് താഴെ കമന്റ് ചെയുന്നത്. നടി നസ്രിയ നസീം, നടന്‍മാരായ സൗബിന്‍ ഷാഹിര്‍, അര്‍ജുന്‍ അശോകന്‍, ബിനു പപ്പു, സിജു സണ്ണി, ശ്രീറാം രാമചന്ദ്രന്‍, നവീന്‍ നസീം തുടങ്ങിയവരെല്ലാം ഇരുവര്‍ക്കും ആശംസ നേര്‍ന്നിട്ടുണ്ട്.
ബോക്‌സോഫീസില്‍ മികച്ച കളക്ഷൻ നേടിയ ചിത്രമാണ് രോമാഞ്ചം. മാത്രമല്ല ജിത്തു മാധവന്‍ ആദ്യമായി സംവിധാനം ചെയ്ത ചിത്രം കൂടെയായിരുന്നു. ഇന്‍സ്റ്റഗ്രാം റീലുകളിലൂടെ ശ്രദ്ധേയയായ വ്യക്തിയാണ് ഷിഫിന.
