കാലങ്ങളായി ഉപയോഗിക്കാതെ കിടക്കുന്ന അക്കൗണ്ടുകൾ ഡിലീറ്റ് ചെയ്യുമെന്ന പ്രഖ്യാപനവുമായി ഗൂഗിൾ. ഡിസംബർ 31 മുതലാകും നടപടി സ്വീകരിക്കുക. അക്കൗണ്ടുകളുടെ ദുരുപയോഗം തടയുന്നതിന് വേണ്ടിയാണ് ഇത്തരത്തിൽ ഒരു നീക്കമെന്നും ഗൂഗിൾ പുറത്തിറക്കിയ പ്രസ്താവനയിൽ പറയുന്നു. നീണ്ട കാലത്തോളം ഉപയോഗിക്കാതെ കിടന്ന അക്കൗണ്ട് ഒന്നെങ്കിൽ ഇത് സംബന്ധിച്ച അധികാര വിവരങ്ങൾ മറന്നുപോയത് കൊണ്ട് നിഷ്ക്രിയമായതായിരിക്കാം. ഇതിനാൽ തന്നെ ഈ അക്കൗണ്ടുകളിലൊന്നും ടൂ-ഫാക്ടർ-ഒതന്റിക്കേഷൻ ഓൺ ചെയ്തിട്ടുണ്ടാകില്ല. അതുകൊണ്ട് ഉപയോക്താവിന്റെ സ്വകാര്യ ഡാറ്റ വളരെ പെട്ടെന്ന് തന്നെ മറ്റൊരാളുടെ കൈവശം അകപ്പെടാനുള്ള സാദ്ധ്യത വളരെ വലുതാണ്. ഇത്തരത്തിൽ മറ്റൊരാളുടെ അക്കൗണ്ടുകൾ തട്ടിയെടുത്തുള്ള ദുരുപയോഗം തടയുക എന്ന ലക്ഷ്യം മുന്നിൽ കണ്ടാണ് നീക്കമെന്നും ഗൂഗിൾ പ്രൊഡക്റ്റ് മാനേജ്മെന്റ് വൈസ് പ്രസിഡന്റ് റൂത്ത് ക്രിചെലി പറഞ്ഞു.
കഴിഞ്ഞ രണ്ട് വർഷത്തോളമായി അക്കൗണ്ട് ഗൂഗിളിൽ സൈൻ ഇൻ ചെയ്തിട്ടില്ലെങ്കിലും ഉപയോഗിക്കാതെ തുടരുകയാണെങ്കിലും അവ ഡിലീറ്റ് ചെയ്യുന്നതായിരിക്കുമെന്നാണ് ഗൂഗിളിന്റെ അറിയിപ്പ്. എന്നിരുന്നാലും ജിമെയിൽ, ഡ്രൈവ്, ഡോക്സ്, ഫോട്ടോസ്, മീറ്റ്, കലണ്ടർ എന്നീ സേവനങ്ങളിൽ അക്കൗണ്ട് ഇല്ലാതാക്കുന്നതിന് മുമ്പ് തന്നെ ഉപയോക്താക്കളെ അറിയിക്കുമെന്നും ഗൂഗിൾ വ്യക്തമാക്കി. ഒരു അക്കൗണ്ട് ഇല്ലാതാകുന്നതോടെ പുതിയ അക്കൗണ്ടിന് വേണ്ടി സൈൻ അപ്പ് ചെയ്യുന്നതിന് അനുബന്ധ ജിമെയിൽ വിലാസം ഉപയോഗിക്കുവാൻ സാധിക്കില്ല.ഇത്തരത്തിൽ ഉപയോക്താക്കൾ അപൂർവ്വമായി ഉപയോഗിക്കുന്ന അക്കൗണ്ട് നിലനിർത്തുന്നതിന് വേണ്ടി ഓരോ രണ്ട് വർഷത്തിലും ലോഗിൻ ചെയ്യണം. ഇത്തരത്തിൽ ചെയ്തു വരുന്ന അക്കൗണ്ടുകൾ പോകില്ല.
എന്നാൽ ഉപയോക്താക്കൾക്ക് ഇമെയിൽ അയക്കുന്നതിലും വായിക്കുന്നതിലും തടസം ഉണ്ടാകില്ല.ഗൂഗിൾ ഡ്രൈവ് ഉപയോഗിക്കുന്നതിനും യൂട്യൂബിൽ തിരച്ചിൽ നടത്തുന്നതിനും വീഡിയോകൾ കാണുന്നതിനും മറ്റ് വെബ്സൈറ്റുകളിൽ ഗൂഗിൾ ഉപയോഗിച്ച് സൈൻ ഇൻ ചെയ്യണം. കമന്റുകൾ, ചാനലുകൾ, വീഡിയോകൾ എന്നിവ പോലെയുള്ള യൂട്യൂബ് ആക്റ്റിവിറ്റിയുള്ളതും അല്ലെങ്കിൽ പണമിടപാട് സംബന്ധിച്ച അക്കൗണ്ടുകളും ഇല്ലാതാക്കില്ലെന്ന് ഗൂഗിൾ അറിയിച്ചു.
