പ്രമേഹ രോഗികൾക്കിതാ ഒരു സന്തോഷവാർത്ത.. വേദനയേറിയ ഇൻസുലിൻ കുത്തിവയ്പ്പിൽ നിന്നും നിങ്ങൾക്ക് മോചനം നേടാം. പുതിയ ഇൻസുലിൻ ക്യാപ്സൂളുകളാണ് രംഗത്തെത്തിയിരിക്കുന്നത്. ഓസ്ട്രേലിയയിലെ റോയൽ മെൽബൺ ഇൻസ്റ്റിറ്റ്യൂട്ട് ഓഫ് ടെക്നോളജിയിലെ ശാസ്ത്രജ്ഞരാണ് പുതിയൊരു ചികിത്സാ വിപ്ലവം നടത്തിയിരിക്കുന്നത്. ആർഎംഐടിയിൽ നിന്നാണ് കുത്തവയ്പ്പിന് പകരമായി ഉപയോഗിക്കാൻ കഴിയുന്ന ഇൻസുലിൻ കാപ്സ്യൂൾ വികസിപ്പിച്ചിട്ടുള്ളത്.
കഴിഞ്ഞ ഏതാനും നാളുകളായി പ്രമേഹ രോഗികൾക്ക് നൽകി വരുന്നത് ഇൻസുലിൻ കുത്തിവയ്പ്പ് എന്ന ചികിത്സാ രീതിയാണ്. ഇതിന് ചിലവും വേദനയും വളരെയധികമാണ്. എന്നാൽ ക്യാപ്സ്യൂൾ വരുന്നതോടെ വേദനയ്ക്ക് പരിഹാരമായി വിലയിരുത്തുന്നു. വായിലൂടെ വെള്ളത്തിനൊപ്പം കഴിക്കാൻ സാധിക്കുന്ന ക്യാപ്സൂളിന്റെ പരീക്ഷണ-നീരീക്ഷണ ഘട്ടങ്ങളെല്ലാം തന്നെ പൂർത്തിയാക്കി. ഇൻസുലിന്റെ എല്ലാ ഫലങ്ങളും ക്യാപ്സൂളിൽ നിന്നും ലഭ്യമാണെന്ന് പ്രീ-ക്ലിനിക്കൽ പഠനങ്ങളിൽ നിന്നും തെളിയിച്ചിട്ടുണ്ട്.
പ്രമേഹരോഗികളുടെ ജീവിതം മെച്ചപ്പെടുത്തുന്ന തരത്തിൽ ക്യാപ്സൂൾ വികസിപ്പിച്ചെടുത്തതായി പ്രമുഖ ഗവേഷകയും ആർഎംഐടി പ്രൊഫസറുമായ ഷാർലറ്റ് കോൺ ഔദ്യോഗികമായി അറിയിച്ചു. പ്രമേഹരോഗികൾക്ക് ഭക്ഷണം കഴിച്ചാൽ വളരെ പെട്ടെന്ന് തന്നെ ഷുഗർ നിയന്ത്രിക്കേണ്ടത് അനിവാര്യമാണ്. ഇതിന് വേണ്ടി ഉപയോഗിക്കുന്ന വേഗത്തിൽ പ്രവർത്തിക്കുന്ന മരുന്നാണ് ഇൻസുലിൻ. ഇപ്പോൾ ബഹുഭൂരിപക്ഷം ആളുകളും ഇത്തരത്തിൽ കുത്തിവയ്പ്പാണ് ഉപയോഗിച്ച് വരുന്നത്. എന്നാൽ കുത്തിവയ്പ്പിനേക്കാൾ 50 ശതമാനം മികച്ച ഫലം ഇൻസുലിൻ ക്യാപ്സൂളിന് ലഭിക്കുന്നതായി പ്രൊഫസർ ഷാർലറ്റ് കോൺ വ്യക്തമാക്കി.
