ബെംഗളുരു: ചന്ദ്രയാൻ 3 ചന്ദ്രന്റെ ഭ്രമണപഥത്തിൽ പ്രവേശിച്ചു. ലൂണാർ ഓർബിറ്റ് ഇൻജക്ഷൻ വിജയകരമായി പൂർത്തികരിച്ചതായി ഐഎസ്ആർഒ അറിയിച്ചു. ട്രാൻസ് ലൂണാർ പഥത്തിലായിരുന്ന പേടകം ചന്ദ്രനെ വലംവെക്കുന്ന ഒന്നാമത്തെ ഭ്രമണപഥത്തിലേക്കാണ് എത്തിയത്. ഈ മാസം 23-നാണ് സോഫ്റ്റ് ലാൻഡിംഗ് നടക്കുക.
Chandrayaan-3 Mission:
“MOX, ISTRAC, this is Chandrayaan-3. I am feeling lunar gravity 🌖”
🙂Chandrayaan-3 has been successfully inserted into the lunar orbit.
A retro-burning at the Perilune was commanded from the Mission Operations Complex (MOX), ISTRAC, Bengaluru.
The next… pic.twitter.com/6T5acwiEGb
— ISRO (@isro) August 5, 2023
പേടകം ഇനി ചന്ദ്ര ഉപരിതലത്തിൽ നിന്നുള്ള അകലം ക്രമേണ കുറയ്ക്കും. ചന്ദ്ര ഉപരിതലത്തിൽ നിന്നും 100 കിമി ദൂരത്തിൽ എത്തിയ ശേഷം പേടകത്തിൽ നിന്ന് ലാൻഡറിനെ വേർപ്പെടുത്തും. ഇറങ്ങാനുള്ള സ്ഥലം കണ്ടെത്തി സോഫ്റ്റ് ലാൻഡിംഗിനുള്ള ഒരുക്കങ്ങളാകും പിന്നീട്. തുടർന്ന് ഒരാഴ്ചയ്ക്ക് ശേഷം 23-ാം തീയതി വൈകുന്നേരം 5.47-ന് ചന്ദ്രന്റെ ഉപരിതലത്തിൽ ഇറങ്ങുമെന്നാണ് പ്രതീക്ഷ. ഓഗസ്റ്റ് ഒന്നിനാണ് പേടകം ഭൂമിയുടെ ഭ്രമണപഥം വിട്ടത്.
