ബെംഗളുരു: ഒരു ഘട്ടംകൂടി വിജയകരമായി പിന്നിട്ട് രാജ്യത്തിന്റെ അഭിമാനമായ ചാന്ദ്ര ദൗത്യം ചാന്ദയാൻ 3. ആദ്യ ചാന്ദ്ര ഭ്രമണപഥം താഴ്ത്തൽ വിജയകരമായി പിന്നിട്ടതായി ഐഎസ്ആർഒ അറിയിച്ചു. നിലവിൽ ചന്ദ്രനിൽ നിന്നും 170 കിലോമീറ്റർ അടുത്ത ദൂരവും 4313 കിലോമീറ്റർ അകന്ന ദൂരത്തിലുമുള്ള ദീർഘ വൃത്താകൃതിയുലുള്ള ഭ്രമണപഥത്തിലാണ് പേടകം സ്ഥിതി ചെയ്യുന്നത്.
ആഗസ്റ്റ് ഒൻപതിനാണ് അടുത്ത ഭ്രമണപഥം താഴ്ത്തൽ. ഇത്തരത്തിൽ അഞ്ച് ഘട്ടമായി ഭ്രമണപഥം താഴ്ത്തിയ ശേഷം ചന്ദ്രനിൽ നിന്നും 100 കിമി അകലത്തിലൂള്ള വൃത്താകൃതിയിലുള്ള ഭ്രമണപഥത്തിൽ എത്തിയ ശേഷമായിരിക്കും ലാൻഡർ പ്രൊപ്പൽഷൻ മോഡ്യൂളിൽ നിന്നും വേർപെടുന്നത്. ഇത് ഓഗസ്റ്റ് 17 ന് നടക്കുമെന്നാണ് പ്രതീക്ഷിക്കുന്നത്. ഓഗസ്റ്റ് 23 ന് സോഫ്റ്റ് ലാൻഡിംഗ് നടത്തും എന്നാണ് ഐഎസ്ആർഒ അറിയിച്ചിരിക്കുന്നത്.
Chandrayaan-3 Mission Update:
The Second Lunar bound orbit maneuver for #Chandrayaan3 spacecraft was performed successfully today (August 06, 2023) as planned, using the onboard propulsion system. The orbit achieved is 170 km x 4313 km.
The next Lunar bound orbit maneuver is…
— LVM3-M4/CHANDRAYAAN-3 MISSION (@chandrayaan_3) August 6, 2023
ചന്ദ്രയാൻ മൂന്നിൽ നിന്നുള്ള ആദ്യ ദൃശ്യങ്ങൾ ഐഎസ്ആർഒ പുറത്തുവിട്ടിരുന്നു. ചന്ദ്രന്റെ ഭ്രമണപഥത്തിലേക്ക് കടന്നുകൊണ്ടുള്ള യാത്രക്കിടെ പേടകം പകർത്തിയ ദൃശ്യങ്ങളാണ് ഇസ്രോ പങ്കുവെച്ചിരിക്കുന്നത്.
The Moon, as viewed by #Chandrayaan3 spacecraft during Lunar Orbit Insertion (LOI) on August 5, 2023.#ISRO pic.twitter.com/xQtVyLTu0c
— LVM3-M4/CHANDRAYAAN-3 MISSION (@chandrayaan_3) August 6, 2023
ശനിയാഴ്ച രാത്രി ഏഴ് മണിയോടെയായിരുന്നു ചന്ദ്രയാൻ 3 ചന്ദ്രന്റെ ഭ്രമണപഥത്തിലേക്ക് പ്രവേശിച്ചത്. ട്രാൻസ് ലൂണാർ പഥത്തിലായിരുന്ന പേടകം ചന്ദ്രനെ വലംവെക്കുന്ന ഒന്നാമത്തെ ഭ്രമണപഥത്തിലേക്കാണ് എത്തിയത്. പേടകം ഇനി ചന്ദ്ര ഉപരിതലത്തിൽ നിന്നുള്ള അകലം ക്രമേണ കുറയ്ക്കും. ചന്ദ്ര ഉപരിതലത്തിൽ നിന്നും 100 കിമി ദൂരത്തിൽ എത്തിയ ശേഷം പേടകത്തിൽ നിന്ന് ലാൻഡറിനെ വേർപ്പെടുത്തും.
ഇറങ്ങാനുള്ള സ്ഥലം കണ്ടെത്തി സോഫ്റ്റ് ലാൻഡിംഗിനുള്ള ഒരുക്കങ്ങളാകും പിന്നീട്. തുടർന്ന് ഒരാഴ്ചയ്ക്ക് ശേഷം 23-ാം തീയതി വൈകുന്നേരം 5.47-ന് ചന്ദ്രന്റെ ഉപരിതലത്തിൽ ഇറങ്ങുമെന്നാണ് പ്രതീക്ഷ. ഓഗസ്റ്റ് ഒന്നിനാണ് പേടകം ഭൂമിയുടെ ഭ്രമണപഥം വിട്ടത്.
