സിക്സ് പാക്കും, എയ്റ്റ് പാക്കും തരംഗമാകുന്ന സമകാലീന സമൂഹത്തിൽ ജിമ്മിൽ പോവാത്ത ആളുകൾ ചുരുക്കമായിരിക്കും. ജിമ്മിൽ പോവുന്നത് ഇപ്പോൾ സർവ്വ സാധാരണമാണ്. എന്നാൽ ഒരു ആമ ജിമ്മിൽ പോയാലോ! അത് എങ്ങനെയിരിക്കും? അത്തരത്തിൽ ഒരു വീഡിയോ ആണ് ഇപ്പോൾ സമൂഹ മാദ്ധ്യമങ്ങളിൽ ചിരി പടർത്തുന്നത്.
ഫ്ളോറിഡയിലെ ഐയേൺ നൈറ്റ് ക്ലബിലേക്കാണ് അപ്രതീക്ഷിതമായി ഈ വ്യക്തി കടന്നു വന്നത്. വർക്ക്ഔട്ട് ചെയ്യാൻ വരുന്നതുപോലുള്ള ഇവന്റെ വരവ് കണ്ടപ്പോൾ ജിമ്മിലെ ആളുകളും ആദ്യം ഒന്നു ഞെട്ടി. തുറന്നിട്ട ഗാരേജ് വാതിലിലൂടെയാണ് കടലാമ അകത്തേക്ക് വന്നത്.
ജിമ്മിലെ ഡംബലുകൾക്കിയിലൂടെയും മറ്റ് ഉപകരണങ്ങൾക്കിയിലൂടെയും ആദ്യം ഈ കടലാമ മന്ദഗതിയിലാണ് നടന്നു നീങ്ങിയതെങ്കിൽ, പിന്നീട് പിടിച്ച് പുറത്താക്കാൻ ശ്രമിക്കുമ്പോൾ അവനൊരു ഓട്ടക്കാരനായി മാറുന്നുമുണ്ട്. ജിമ്മിലെ പ്രവർത്തകരുടെ നിരന്തരമായ പരിശ്രമങ്ങൾക്കൊടുവിൽ പിന്നീട് അവന് പുറത്തേക്കും പോകേണ്ടതായി വരുന്നുണ്ട്. എന്തായാലും ജിമ്മിലേക്ക് അപ്രതീക്ഷിതമായി എത്തിയ അതിഥിയെ സമൂഹ മാദ്ധ്യമങ്ങൾ വഴി നിരവധി ആളുകളാണ് കണ്ടത്.
