ചന്ദ്രയാൻ ഒപ്പിയെടുത്ത ത്രസിപ്പിക്കുന്ന ചിത്രം ഭൂമിയിലിരുന്ന് കണ്ടത് രണ്ട് ദശലക്ഷം പേർ    

ചന്ദ്രനിലിറങ്ങും മുൻപേ ത്രസിപ്പിക്കുന്ന ചിത്രങ്ങൾ ഒപ്പിയെടുത്ത് ചന്ദ്രയാൻ മൂന്ന് അയച്ച് ഭൂമിയിലേക്ക് തന്നിരുന്നു. മണിക്കൂറുകൾക്കകം ഇത് ഭൂമിയിലിരുന്ന് കണ്ടത് ദശലക്ഷങ്ങളാണ്. കഴിഞ്ഞ 24 മണിക്കൂറിനുള്ളിൽ രണ്ട് ദശലക്ഷത്തിലധികം ആളുകളാണ് ചന്ദ്രന്റെ ചിത്രങ്ങൾ കണ്ടത്.

ചന്ദ്രനിലെ ഗർത്തങ്ങളുടെ വിശദമായ കാഴ്ച നൽകുന്ന ചിത്രമാണ് ഇസ്രോ പങ്കുവെച്ചിരുന്നത്. ബഹിരാകാശ പേടകത്തിലെ ലാൻഡർ ഹൊറിസോണ്ടൽ വെലോസിറ്റി ക്യാമറ (എൽഎച്ച് വിസി) ആണ് ചിത്രം പകർത്തിയത്. ലാൻഡർ ഇമേജറിനൊപ്പം (എൽഐ) ഈ ക്യാമറ വികസിപ്പിച്ചത് അഹമ്മദാബാദിലെ സ്‌പേസ് ആപ്ലിക്കേഷൻസ് സെന്ററും ബെംഗളൂരുവിലെ ഇലക്ട്രോ ഒപ്റ്റിക്‌സ് സിസ്റ്റംസ് ലബോറട്ടറിയുമാണ്. ഇതിന് മുൻപും സമാനമായ രീതിയിൽ ചന്ദ്രയാൻ മൂന്ന് ഭൂമിയുടെ ചിത്രങ്ങൾ അയച്ചിരുന്നു. മികച്ച രീതിയിൽ ചന്ദ്രയാൻ മൂന്ന് വിവരങ്ങൾ നൽകുമെന്നാണ് പ്രതീക്ഷ.

Chandrayaan-3 Mission:
🌎 viewed by
Lander Imager (LI) Camera
on the day of the launch
&
🌖 imaged by
Lander Horizontal Velocity Camera (LHVC)
a day after the Lunar Orbit Insertion

LI & LHV cameras are developed by SAC & LEOS, respectively https://t.co/tKlKjieQJS… pic.twitter.com/6QISmdsdRS

— ISRO (@isro) August 10, 2023

അടുത്ത ഭ്രമണപഥ താഴ്‌ത്തൽ ഓഗസ്റ്റ് 14-നാണ്. തുടർന്ന് 16-ന് ചന്ദ്രനും ചന്ദ്രയാൻ മൂന്നിനും ഇടയിലുള്ള അകലം വീണ്ടും കുറയ്‌ക്കും. ഇതോടെ ചന്ദ്രനും പേടകവും തമ്മിലുള്ള അകലം 100 കിലോമീറ്ററായി കുറയും. ഓഗസ്റ്റ് 17-ന് ലാൻഡറും റോവറും ഉൾപ്പെടുന്ന ലാൻഡിംഗ് മൊഡ്യൂൾ പ്രൊപ്പൽഷൻ മൊഡ്യൂളിൽ നിന്ന് വേർപ്പെടും. 30 കിലോമീറ്റർ അകലെയായി പെരിലൂൺ എന്ന ഭ്രമണപഥത്തിൽ എത്തിച്ചതിന് ശേഷം അവിടെ നിന്നായിരിക്കും ലാൻഡിങ്ങിനുളള ഓപ്പറേഷൻ തുടങ്ങുക. ഏറ്റവും വെല്ലുവിളി നേരിടുന്ന ഒരു പ്രക്രിയയാകും ഇത്.