വാക്കുകൾ കൊണ്ട് വിവരിക്കാൻ സാധിക്കാത്തതിനും അപ്പുറമുളള സന്തോഷം; സ്വാതന്ത്ര്യദിനാശംസകൾ നേർന്ന് ഇന്ത്യൻ കായികതാരങ്ങൾ

ന്യൂഡൽഹി: 77-ാമത് സ്വാതന്ത്ര്യ ദിനത്തിൽ സോഷ്യൽ മീഡിയയിൽ ആശംസകൾ നേർന്ന് ഇന്ത്യൻ കായിക താരങ്ങൾ. സച്ചിൻ ടെണ്ടുൽക്കർ, വിരാട് കോഹ്ലി, രോഹിത് ശർമ്മ, രവീന്ദ്ര ജഡേജ, യുവരാജ് സിംഗ് പിവി സിന്ധു മുതലായ ഒട്ടനവധി താരങ്ങളാണ് ട്വിറ്ററിൽ (എക്‌സ്) സ്വതന്ത്ര്യ ദിനാശംസകൾ നേർന്ന് മുന്നോട്ട് വന്നത്.

ഞാൻ എന്റെ രാജ്യത്തെ സ്‌നേഹിക്കുന്നു, ലോകത്തിന്റെ വിവിധ ഭാഗങ്ങളിലുളള എല്ലാ ഇന്ത്യക്കാർക്കും എന്റെ സ്വാതന്ത്ര്യ ദിനാശംസകൾ സച്ചിൻ ട്വിറ്ററിൽ കുറിച്ചു.
ഈ ത്രിവർണ്ണനിറങ്ങളുടെ അർത്ഥം വാക്കുകൾ കൊണ്ട് പറഞ്ഞുതരുന്നതിലും അപ്പുറമാണെന്നാണ് ഇന്ത്യൻ നായകൻ രോഹിത് ശർമ്മ ട്വിറ്ററിൽ കുറിച്ചത്.

രാജ്യത്തിന്റെ ഏത് ഭാഗത്ത് ആണെങ്കിലും സ്വാതന്ത്ര്യ ദിനം ആഷോഷിക്കാൻ നാം ഒരുമിച്ച് ഒത്ത് കൂടുന്നു. എല്ലാവർക്കും സ്വതന്ത്ര്യ ദിനാശംസകൾ! ത്രിവർണ്ണ പതാക വാനിൽ ഉയർന്ന് പറക്കട്ടെ. ജയ്ഹിന്ദ്! മിതാലി രാജ് ട്വിറ്ററിൽ കുറിച്ചു.

എല്ലാ ഇന്ത്യക്കാർക്കും സ്വാതന്ത്ര്യ ദിനാശംസകൾ. മെഡലുകൾ നേടി പോഡിയത്തിൽ ഒന്നിലധികം തവണ ത്രിവർണ്ണ പതാക ഉയർത്തിയത് ഏറ്റവും വലിയ ബഹുമതിയാണ്. ജനഗണമനയുടെ ശബ്ദം എനിക്കെപ്പോഴും ആവേശമാണ്. രാജ്യത്തെ മുന്നോട്ട് നയിക്കുന്നതിൽ നാമെല്ലാവരും ഒരുമിച്ചുണ്ടാകുമെന്ന് എനിക്ക് വാക്ക് തരൂ. ബാഡ്മിന്റൺ താരം പിവി സിന്ധുവും ആശംസകൾ നേർന്ന് ട്വിറ്ററിൽ കുറിച്ചു.

On this Independence Day, I send warm wishes to all my fellow Indians. Raising the tricolor high on the podium multiple times has been my greatest honor. The sound of ‘Jana Gana Mana’ never fails to give me goosebumps, reminding us of the pride we all share in representing our… pic.twitter.com/jGGuNZHBq3

— Pvsindhu (@Pvsindhu1) August 15, 2023

“>

ഇന്ത്യയുടെ സ്റ്റാർ ബാറ്റർ വിരാട് കോഹ്ലിയും എല്ലാ ഇന്ത്യക്കാർക്കും സ്വാതന്ത്ര്യ ദിനാശംസകളെന്ന് ട്വിറ്ററിൽ കുറിച്ചു. സൂര്യകുമാർ യാദവ് ട്വിറ്ററിൽ കുറിച്ചതിങ്ങനെ, മാറ്റമില്ലാത്ത രാഷ്‌ട്രം താരതമ്യപ്പെടുത്താനാകാത്ത ബഹുമതി. നമ്മുടെ രാജ്യം വളരട്ടെ അതിനായി നമ്മുക്ക് ശ്രമിക്കാം.

പ്രണയത്തെക്കുറിച്ച് അറിയില്ല, പക്ഷേ നിന്നിൽ നിന്ന് ലഭിക്കുന്നത് മറ്റാരിൽ നിന്നും ലഭിക്കില്ലെന്ന് മുൻ ഇന്ത്യൻ ഓപ്പണർ ഗൗതം ഗംഭീറും ട്വിറ്ററിൽ രേഖപ്പെടുത്തി.
നമ്മുടെ സ്വാതന്ത്ര്യത്തിനായി പോരാടിയ എല്ലാവരുടെയും ത്യാഗങ്ങളെ സ്മരിക്കുകയും ആദരിക്കുകയും ചെയ്യുന്നു.. ത്രിവർണ്ണ പതാക ഉയരട്ടെ യുവരാജ് സിംഗ് വിഡീയോ ട്വീറ്റിലൂടെ പറഞ്ഞു. ഓൾ റൗണ്ടർ രവീന്ദ്ര ജഡേജ ജയ് ഹോയെന്നും ട്വീറ്റ് ചെയ്തു.