ലണ്ടന്: മികച്ച പ്രകടനങ്ങള് പുറത്തെടുത്ത് മുന്നേറുന്നതിനിടെ ഇന്ത്യന് യുവതാരം പൃഥ്വി ഷായ്ക്കു വന് തിരിച്ചടി.ഇംഗ്ലണ്ട് കൗണ്ടി ക്രിക്കറ്റില് നോര്ത്താംപ്ടന്ഷെയറിന്റെ താരമായ ഷാ മികച്ച ഫോമിലായിരിക്കെയാണ് അപ്രതീക്ഷിതമായി പരിക്കേറ്റത്.ദുര്ഹാമിനെതിരായ മത്സരത്തില് ഫീല്ഡിംഗിനിടെ പരിക്കേല്ക്കുകയായിരിന്നു. ഇക്കാര്യം വ്യക്തമാക്കി നോര്ത്താംപ്ടന്ഷെയര് സമൂഹമാദ്ധ്യമങ്ങളില് കുറിപ്പ് പങ്കുവച്ചിരുന്നു.
ക്രിക്കറ്റില് ഫോം നഷ്ടമായിത്തുടങ്ങിയതോടെയാണ് പൃഥ്വി ഷാ കൗണ്ടി ക്രിക്കറ്റ് കളിക്കാന് തീരുമാനിച്ചത്. ഐപിഎല് 2023 സീസണില് ഡല്ഹി ക്യാപിറ്റല്സ് താരമായിരുന്ന പൃഥ്വി ഷായ്ക്കു മികച്ച പ്രകടനം പുറത്തെടുക്കാന് സാധിച്ചിരുന്നില്ല.
ഇന്ത്യന് യുവ താരത്തിന്റെ കാല്മുട്ടിനാണു പരിക്കേറ്റത്. ശേഷിക്കുന്ന മത്സരങ്ങള് താരത്തിന് നഷ്ടമാകും.ഓഗസ്റ്റ് 13ന് നടന്ന മത്സരത്തില് 76 പന്തില് നിന്ന് 125 റണ്സെടുത്ത ഷാ പുറത്താകാതെ നിന്ന് ടീമിന് വിജയം നല്കുകയും ചെയ്തിരുന്നു. ഇംഗ്ലണ്ടിലെ വണ്ഡേ കപ്പ് 2023 ല് നാല് ഇന്നിങ്സുകളില് മാത്രം ബാറ്റു ചെയ്ത പൃഥ്വി ഷാ 429 റണ്സെടുത്തിരുന്നു. ഓഗസ്റ്റ് ഒന്പതിനു സോമര്സെറ്റിനെതിരായ പോരാട്ടത്തില് 153 പന്തുകളില്നിന്ന് 244 റണ്സ് താരം നേടിയിരുന്നു.
പൃഥ്വി ഷായ്ക്കു ചെറിയ പരുക്കു മാത്രമാണുള്ളതെന്നായിരുന്നു ക്ലബ് ആദ്യം കരുതിയിരുന്നതെങ്കിലും കൂടുതല് പരിശോധനകള്ക്കു ശേഷം പരിക്ക് ഗൗരമുള്ളതാണെന്ന് ടീം പ്രസ്താവനയില് അറിയിച്ചു. പൃഥ്വി ഷായെപ്പോലൊരു താരത്തെ നഷ്ടമാകുന്നത് നോര്ത്താംപ്ടന്ഷെയര് ടീമിന് വന് തിരിച്ചടിയാണെന്ന് പരിശീലകന് ജോണ് സാഡ്ലര് പ്രതികരിച്ചു.
Comments