ബെംഗളൂരു: പരിക്കിന് ശേഷം കളിക്കളത്തിലേക്ക് തിരിച്ചെത്തുന്ന റിഷഭ് പന്തിന്റെ പരീശിലനത്തിനിടെയുളള സിക്സർ വിഡീയോയാണ് ഇപ്പോൾ സമൂഹമാദ്ധ്യമങ്ങളിൽ തരംഗം. നാഷണൽ ക്രിക്കറ്റ് അക്കാദമിക്ക് സമീപത്തുളള ക്ലോക്ക് ടവറിലേക്കാണ് താരം തന്റെ പടുകൂറ്റൻ സിക്സ് പായിച്ചത്. കൈക്കുഴകളുടെ ചലനം കൊണ്ടാണ് ഈ സിക്സ് എന്നതാണ് ശ്രദ്ധേയം. ക്രിക്കറ്റിലേക്ക് താരം ഉടനെ മടങ്ങിയെത്തും എന്നാണ് ഈ വിഡീയോയിലൂടെ ആരാധകർ പ്രതീക്ഷിക്കുന്നത്.
Rishab Pant six !! #RishabhPant #India #cricket #INDvsIRE #IREvIND pic.twitter.com/S1pr5ec101
— Cricket Gyan (@cricketgyann) August 17, 2023
“>
ബാറ്റിംഗ് പരിശീലനം പുനരാരംഭിച്ച പന്ത് വിക്കറ്റ് കീപ്പിംഗ് ആരംഭിച്ചിട്ടില്ല. ഏകദിന ലോകകപ്പിന് ശേഷം താരം ടീമിലേക്ക് തിരിച്ചെത്തുമെന്നാണ് പുറത്ത് വരുന്ന റിപ്പോർട്ടുകൾ സൂചിപ്പിക്കുന്നത്. കാർ അപകടത്തിൽ പരിക്കേറ്റ് ചികിത്സയിലായിരുന്ന പന്ത് ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ കായികക്ഷമത വീണ്ടെടുക്കാനുള്ള പരിശീലനത്തിലാണ്. കഴിഞ്ഞ വർഷം ഡിസംബറിലാണ് താരത്തിന് പരിക്കേറ്റത്.
