ഇന്ത്യയുടെ ആദ്യത്തെ പ്രീമിയം ഇലക്ട്രിക് സ്കൂട്ടറായ ബജാജ് ചേതകിന് വൻ വില കിഴിവ്. സ്റ്റാൻഡേർഡ്, പ്രീമിയം വേരിയന്റുകളിൽ ലഭ്യമാകുന്ന സ്കൂട്ടറിന് 22,000 രൂപയോളമാണ് വില കുറച്ചിരിക്കുന്നത്. 1.30 ലക്ഷം രൂപയാണ് പ്രാരംഭ വില. മുൻപുണ്ടായിരുന്ന 1.52 ലക്ഷം രൂപയിൽ നിന്നും 22,000 രൂപയോളം കുറവാണ് ബജാജ് നൽകുന്നത്. പരിമിത കാലത്തേക്കാണ് സാധ്യതയുള്ളതെന്നും എന്നാൽ പ്രത്യേക തീയതി നിശ്ചയിച്ചിട്ടില്ലെന്നും കമ്പനി അറിയിച്ചു.
3kWh ലിഥിയം-അയൺ ബാറ്ററി പാക്കാണ് ചേതക് ഇവിയിൽ പ്രവർത്തിക്കുന്നത്. 3.8 kWh PMS മോട്ടോറുമായി എത്തുന്ന ബജാജ് ചേതക് ഇലക്ട്രിക് സ്കൂട്ടറിന് 5.3 bhp കരുത്തിൽ പരമാവധി 20 Nm torque വരെ വികസിപ്പിക്കാനാകും. 5A ഹോം സോക്കറ്റുകൾക്കൊപ്പം ഉപയോഗിക്കാവുന്ന 230V പോർട്ടബിൾ ചാർജറാണ് സ്കൂട്ടറിൽ ഉപയോഗിച്ചിരിക്കുന്നത്. നാല് മണിക്കൂറിനുള്ളിൽ ബാറ്ററി പൂർണമായും ചാർജ് ചെയ്യാൻ കഴിയും.
ചേതക് ഇവിയുടെ ബാറ്ററി പായ്ക്കിന് ഏഴ് വർഷമോ 70,000 കിലോമീറ്ററോ ആയുസ് ഉണ്ടായിരിക്കും. ഓൾ-മെറ്റൽ ബോഡി നിർമാണം തന്നെയാണ് ചേതക് ഇലക്ട്രിക് സ്കൂട്ടറിനെ വിപണിയിൽ വേറിട്ടു നിർത്തുന്ന മറ്റൊരു ഘടകം. പൂർണ എൽഇഡി ലൈറ്റിംഗ് സെറ്റപ്പുമായി വരുന്ന മോഡലിന്റെ മുൻവശത്തുള്ള ഡേടൈം റണ്ണിംഗ് ലാമ്പ് ഒരു കുതിരപ്പടയുടെ ആകൃതിയിലാണ് പൂർത്തിയാക്കിയിരിക്കുന്നത്. രണ്ട് റൈഡിംഗ് മോഡുകൾ കൂടാതെ ഒരു റിവേഴ്സ് മോഡും വാഹനത്തിന്റെ പ്രത്യേകതയാണ്.
ഹിൽ ഹോൾഡ് അസിസ്റ്റും റോൾ-ഓവർ ഡിറ്റക്ഷനും ചേതക്കിൽ ഉണ്ട്. യുഎസ്ബി ചാർജറും സ്മാർട്ട് കീ ഉള്ള കീലെസ് ഓപ്പറേഷനും ഒടിടി എയർ അപ്ഡേറ്റുകൾക്കൊപ്പം 4ജി കണക്ടിവിറ്റിയും ആൻഡ്രോയിഡിലും iOS-നും ലഭ്യമായ മൈ ചേതക് ആപ്ലിക്കേഷനും ഫീച്ചറുകളായി ലഭിക്കും. സ്വിച്ച് ഗിയർ ബാക്ക്ലൈറ്റും സോഫ്റ്റ് ടച്ചുമാണ്. സീറ്റിനടിയിലെ സ്റ്റോറേജ് 18 ലിറ്ററാണ്.
