പത്തനംതിട്ട: ചിങ്ങമാസപൂജകൾ പൂർത്തിയാക്കി ശബരിമല ക്ഷേത്രനട അടച്ചു. ഇന്നലെ രാത്രി കണ്ഠര് മഹേശ്വര് മോഹനരുടെ മുഖ്യകാർമികത്വത്തിൽ സഹസ്ര കലശപൂജ നടന്നു. മേൽശാന്തി കെ ജയരാമൻ നമ്പൂതിരി സഹകാർമികനായിരുന്നു. പൂജകൾ പൂർത്തിയാക്കി ഇന്നലെ രാത്രി 10-ന് ക്ഷേത്രനട അടച്ചു. ഇനി ഓണത്തോടനുബന്ധിച്ചുള്ള പൂജകൾക്കായി 27-ന് നട തുറക്കും.
25 കലശം, പടിപൂജ, ഉദയാസ്തമയ പൂജ എന്നിവ കഴിഞ്ഞ ദിവസം ക്ഷേത്രസന്നിധിയിൽ നടന്നിരുന്നു. തന്ത്രിയുടെ കാർമികത്വത്തിൽ പൂജിച്ച ബ്രഹ്മകലശം ആഘോഷമായാണ് ശ്രീകോവിലിൽ എത്തിച്ചത്. ദീപാരാധനയ്ക്ക് ശേഷം പടിപൂജ നടന്നു. ദേവചൈതന്യം വർദ്ധിപ്പിക്കുന്നതിനായി ലക്ഷാർച്ചനയും സന്നിധാനത്ത് നടന്നു.
Comments