ഫുട്ബോൾ ട്രാൻസ്ഫർ വിപണി അവസാനത്തിലേയ്ക്ക് കടക്കുമ്പോൾ വമ്പൻമാരാക്കാൻ വീണ്ടും സൗദി ക്ലബ്ബുകൾ സജീവം. ഇപ്പോഴിതാ ട്രാൻസ്ഫർ വിപണിയിലെ മറ്റൊരു താരത്തെ സ്വന്തമാക്കിയിരിക്കുകയാണ് സൗദി പ്രോ ലീഗ് ക്ലബ്ബായ അൽ- അഹ്ലി. സ്പാനിഷ് യുവതാരമായ ഗാബ്രി വീഗയെയാണ് സൗദി വമ്പൻമാർ സ്വന്തമാക്കിയിരിക്കുന്നത്. നാപോളിയിലേയ്ക്ക് പോകുമെന്ന് കരുതിയ താരത്തെയാണ് വലിയ ഓഫർ നൽകി അൽ-അഹ്ലി സ്വന്തമാക്കിയിരിക്കുന്നത്.
സെൽറ്റയിലൂടെ വളർന്നുവന്ന വീഗ 2021ലാണ് സീനിയർ ടീമിനായി അരങ്ങേറ്റം കുറിച്ചത്. സെൽറ്റയ്ക്കായി 50 മത്സരങ്ങളിൽ താരം ബൂട്ടണിഞിട്ടുണ്ട്്.സെൽറ്റയുടെ താരമായ വീഗ 36 ലീഗ് മത്സരങ്ങളിൽ നിന്ന് 11 ഗോളുകളും നാല് അസിസ്റ്റുകളും സ്വന്തം പേരിൽ എഴുതിച്ചേർത്തു. താരത്തെ സ്വന്തമാക്കാനായി മാഞ്ചസ്റ്റർ സിറ്റി , റയൽ മാഡ്രിഡ്, ആഴ്സണൽ, ബൊറൂസിയ ഡോർട്ട്മുണ്ട്, മാഞ്ചസ്റ്റർ യുണൈറ്റഡ് എന്നീ ക്ലബ്ബുകൾ രംഗത്തുണ്ടായിരുന്നു. ഒടുവിൽ 50 മില്യണിലധികം നൽകിയാണ് താരത്തെ അൽ അഹ്ലി സൗദിയിലെത്തിക്കുന്നത്.
Comments