മാമന്നനിലൂടെ തമിഴ്നാട്ടില് തരംഗം തീര്ത്ത ഫഹദ് ഫാസില് വീണ്ടും വില്ലന് വേഷത്തിലെത്തുന്നു. ഇത്തവണയിത് സ്റ്റൈല് മന്നന് രജനിയുടെ ചിത്രത്തിലൂടെയാണെന്ന് തമിഴ് മാദ്ധ്യമങ്ങള് റിപ്പോര്ട്ട് ചെയ്യുന്നു. തലൈവര് 170 ലാണ് താരം മെയിന് റോളിലെത്തുന്നത്.
ചിത്രത്തിന്റെ അണിയറപ്രവര്ത്തകരെ ഉദ്ധരിച്ചുള്ള വാര്ത്തയാണ് വൈറലാവുന്നത്. ചിത്രത്തിന്റെ പൂജയും പ്രഖ്യാപനവും ഈ ആഴ്ചയുണ്ടാകുമെന്ന് ദേശീയ മാദ്ധ്യമങ്ങള് റിപ്പോര്ട്ട് ചെയ്യുന്നു. ലെയ്ക പ്രോഡക്ഷന്സ് ആകും നിര്മ്മാണം. ചിത്രത്തില് അമിതാഭ് ബച്ചനും മഞ്ജുവാര്യരും പ്രധാന കഥാപാത്രങ്ങളായേക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു.അനിരുദ്ധ് രവിചന്ദറിന്റേതാകും സംഗീതം.
ജയിലറിനു പിന്നാലെ മകള് ഐശ്വര്യ സംവിധാനം ചെയ്യുന്ന ലാല് സലാമിലും രജനികാന്ത് അഭിനയിക്കുന്നുണ്ട്. ഏറ്റവും ഒടുവില് പുറത്തിറങ്ങിയ രജനി ചിത്രം ജയിലര് റെക്കോര്ഡ് കളക്ഷനുമായി മുന്നേറുകയാണ്.
