നായപ്രേമികൾ തിരഞ്ഞെടുക്കേണ്ട മികച്ച അഞ്ച് ചിത്രങ്ങൾ ഇവയാണ്

മനുഷ്യനുമായി ആദ്യം ഇണങ്ങി ചേർന്ന് ജീവി നായയാണെന്നാണ് ചരിത്രകാരന്മാർ അഭിയപ്രായപ്പെടുന്നത്. വളർത്ത് മൃഗങ്ങളുടെ കൂട്ടത്തിൽ മനുഷ്യന് ഏറെ പ്രിയം നായകളോടാണ്. കാലങ്ങൾക്ക് മുൻപ് തന്നെ മനുഷ്യനും നായകളും തമ്മിലുള്ള ബന്ധം ആരംഭിച്ചിരുന്നു. അതിന് ഒരുപാട് കാരണങ്ങളുണ്ട്. ഇണക്കി വളർത്തിയാൽ യജമാനനോട് ഇത്രയും നന്ദി കാണിക്കുന്ന മറ്റൊരു മൃഗം വേറെ ഉണ്ടാകില്ല എന്നതാണ് അതിൽ ഒന്ന്. നമ്മുടെ ഒരു ദിവസത്തെ തന്നെ മാറ്റി മറിക്കാൻ നായകൾക്കാകും. ഈ നായദിനത്തിൽ കാണാനായി തിരഞ്ഞെടുക്കാവുന്ന നായകളുടെ കഥ പറഞ്ഞ മികച്ച ചിത്രങ്ങൾ ഇതാ.

101 ഡാൽമേഷ്യൻസ് (1996)

101 ഡാൽമേഷ്യൻസ് നായ സ്‌നേഹത്തിന്റെ കഥ പറയുന്ന ചിത്രങ്ങളിൽ ഏറ്റവും മികച്ച ചിത്രങ്ങളിലൊന്നാണ്. ഒരു കൂട്ടം ഡാൽമേഷ്യൻസ് നായക്കുട്ടികളുടെ കഥയാണ് ചിത്രത്തിൽ പറയുന്നത്. കുട്ടികളെയും മുതിർന്നവരെയും ത്രസിപ്പിച്ച ചിത്രം 1996-ലാണ് റിലീസ് ചെയ്തത്. ഒരു രോമക്കുപ്പായം ഉണ്ടാക്കുന്നതിനായി ഡാൽമേഷ്യൻ നായകളെ മോഷ്ടിക്കാൻ എത്തുന്ന ഒരു ഫാഷൻ ഡിസൈനറുടെ പദ്ധതികൾ നശിപ്പിക്കുന്ന കഥയാണ് 101 ഡാൽമേഷ്യൻസ് പറയുന്നത്.

ഹച്ചി: എ ഡോഗ്‌സ് ടെയിൽ (2009)

ഒരു കോളേജ് പ്രൊഫസറും അകിറ്റ എന്ന ഉപേക്ഷിക്കപ്പെട്ട നായയും തമ്മിലുള്ള അതുല്യമായ ബന്ധമാണ് ഹച്ചി: എ ഡോഗ്‌സ് ടെയിൽ എന്ന ചിത്രം പറയുന്നത്. ചെറുപ്പത്തിൽ ഒരു റെയിൽ വേ സ്റ്റേഷനിൽ നിന്ന് കളഞ്ഞു കിട്ടുന്ന നായയെ എടുത്ത് വളർത്തുന്നതും പിന്നീട് നടക്കുന്ന സംഭവങ്ങളുമാണ് ചിത്രത്തിൽ പറയുന്നത്. എല്ലാ ദിവസവും തന്റെ യജമാനനൊപ്പം റെയിൽവേ സ്റ്റേഷനിലേയ്‌ക്ക് പോവുകയും യജമാനൻ ജോലി കഴിഞ്ഞ് വരുന്നത് വരെ സ്‌റ്റേഷന് പുറത്ത് കാത്തിരിക്കുകയും ചെയ്യുന്ന ഒരു നായ. പെട്ടെന്ന് ഒരു ദിവസം തന്റെ യജമാനനെ കാണാതാകുകയും അദ്ദേഹത്തെ തിരഞ്ഞുള്ള അകിറ്റയുടെ യാത്രയുമാണ് സിനിമ പറയുന്നത്. 2009-ലാണ് ചിത്രം പുറത്തിറങ്ങിയത്.

ബോൾട്ട് (2008)

ബോൾട്ട് ഇനത്തിൽപ്പെട്ട ഒരു കൂട്ടം നായകളുടെ കഥയാണ് ചിത്രം പറയുന്നത്. ബോൾട്ട് ഒരു കാർട്ടൂൺ ചിത്രമാണ്. നായകളിലെ സൂപ്പർ സ്റ്റാറുകളുടെ കഥയാണ് ചിത്രം പറയുന്നത്. ഒരു ദിവസം ബോർട്ട് സംഘത്തിലെ സഹനടനെ കാണാതാകുന്നു. തങ്ങളുടെ സഹനടനെ രക്ഷിക്കാനായി ഒരു പൂച്ചയെയും കൂട്ടിയുള്ള ബോൾട്ടുകളുടെ യാത്രയാണ് ചിത്രത്തിൽ പറയുന്നത്. ചിത്രം 2008 ലാണ് പുറത്തിറങ്ങിയത്.

ബെൻജി (2018)

രണ്ട് സഹോദരങ്ങൾക്ക് തെരുവിൽ നിന്ന് ഒരു നായയെ കിട്ടുന്നു. അവരുടെ അമ്മയറിയാതെ കുട്ടികൾ നായയെ വീട്ടിൽ രഹസ്യമായി വളർത്തുന്നതുമാണ് സിനിമയുടെ ഇതിവൃത്തം. ഒരു ദിവസം കുട്ടികളെ കൊള്ള സംഘം തട്ടിക്കൊണ്ടു പോവുകയും നായ പിന്നാലെ പോയി രക്ഷിക്കുന്നതുമാണ് ചിത്രത്തിന്റെ കഥ. 2018 ലാണ് ബെൻജി എന്ന ചിത്രം പ്രദർശനത്തിനെത്തിയത്.

ഷോ ഡോഗ്‌സ് (2018)

നായകളുടെ കഥപറയുന്ന ഒരു കോമഡി ചിത്രമാണ് ഷോ ഡോഗ്‌സ്. റോട്ട്വീലർ ഇനത്തിൽപ്പെട്ട ഒറ്റപ്പെട്ട പോലീസ് നായയായ മാക്സിന്റെ കഥയാണ് ചിത്രം പറയുന്നത്. 2018 ലാണ് ചിത്രം പുറത്ത് വന്നത്.

777 ചാർലി (2022)

നായ സ്‌നേഹത്തിന്റെ കഥ പറഞ്ഞ ചിത്രങ്ങളിൽ മികച്ച ഇന്ത്യൻ സിനിമയാണ് 777 ചാർലി. ഒരു ചെറുപ്പകാരന് റോഡിൽ നിന്ന് കിട്ടുന്ന നായയെ ആദ്യം എങ്ങനെ ഒഴിവാക്കണം എന്ന് ചിന്തിക്കുകയും പിന്നീട് അയാളുടെ ജീവിതത്തിൽ ഏറ്റവും വിലപ്പെട്ടതായി ചാർലി എന്ന നായമാറുകയും ചെയ്യുന്നതാണ് ചിത്രത്തിന്റെ കഥ. കഴിഞ്ഞ വർഷം പുറത്തിറങ്ങിയ ചിത്രം ഏറെ പ്രേക്ഷക ശ്രദ്ധ നേടിയയതായിരുന്നു.