ഐബിഎസ്എഫ് ലോക ഗെയിംസിൽ സ്വർണം നേടിയ ഇന്ത്യൻ വനിതാ ക്രിക്കറ്റ് ടീമിനെ അഭിനന്ദിച്ച് പ്രധാനമന്ത്രി നരേന്ദ്രമോദി. സമൂഹമാദ്ധ്യമത്തിൽ പങ്കുവെച്ച പോസ്റ്റിലാണ് അദ്ദേഹം ടീമിന് അഭിനന്ദനങ്ങൾ അറിയിച്ചത്. രാജ്യത്തിന്റെ കായികതാരങ്ങളുടെ അജയ്യമായ കഴിവിനെയാണ് ഈ നേട്ടം കാണിക്കുന്നതെന്നും ഈ നേട്ടത്തിൽ ഭാരതം അഭിമാനിക്കുന്നു എന്നുമാണ് അദ്ദേഹം പറഞ്ഞത്.
‘ഐബിഎസ്എഫ് ലോക ഗെയിംസിൽ സ്വർണം നേടിയ ഇന്ത്യൻ വനിതാ ക്രിക്കറ്റ് ടീമിന് അഭിനന്ദനങ്ങൾ! നമ്മുടെ കായികതാരങ്ങളുടെ അജയ്യമായ കഴിവിന്റെ ഉദാഹരണമാണ് ഈ മഹത്തായ നേട്ടം. ഭാരതം ഈ നേട്ടത്തിൽ അഭിമാനം കൊള്ളുന്നു!’ – പ്രധാനമന്ത്രി പറഞ്ഞു.
Kudos to the Indian women’s blind cricket team for winning the Gold at the IBSA World Games! A monumental achievement that exemplifies the indomitable spirit and talent of our sportswomen. India beams with pride! https://t.co/4Ee7JfF3UH
— Narendra Modi (@narendramodi) August 26, 2023
ഓസ്ട്രേലിയയെ 9 വിക്കറ്റിന് പരാജയപ്പെടുത്തിയാണ് ഇന്ത്യയുടെ വിജയം. അസാധാരണമായ പ്രതിരോധമാണ് മത്സരത്തിൽ ഇന്ത്യൻ ടീം പുറത്തെടുത്തത്. ഓസ്ട്രേലിയയെ 8 വിക്കറ്റിന് 114 റൺസ് എന്ന സ്‌ക്കോറിൽ ഇന്ത്യ ഒതുക്കി. ഇതോടെ ഐബിഎസ്എഎഫിലെ ആദ്യ ക്രിക്കറ്റ് ജേതാക്കളായി ഇന്ത്യ മാറി. അതേസമയം, കാഴ്ചപരിമിതിയുള്ള പുരുഷന്മാരുടെ ഫൈനലിൽ ഇന്ത്യയും പാക്കിസ്ഥാനും തമ്മിലാണ് ഏറ്റുമുട്ടുന്നത്.
