ലോക അത്‌ലറ്റിക്‌സ് ചാമ്പ്യൻഷിപ്പിൽ പുരഷന്മാരുടെ 4×400 മീറ്റർ റിലേയിൽ ഫൈനലിൽ പ്രവേശിച്ച ഇന്ത്യൻ ടീമിന് ആസംസകളുമായി ആനന്ദ് മഹീന്ദ്ര. സമൂഹമാദ്ധ്യമത്തിൽ പങ്കുവെച്ച പോസ്റ്റിലാണ് അദ്ദേഹം ആശംസകൾ നേർന്നത്. മലയാളത്തിലാണ് അദ്ദേഹം പോസ്റ്റ് പങ്കുവെച്ചിരിക്കുന്നത്.
‘റിലേ രാജക്കൻമാർക്ക് ആശംസകൾ, 140 കോടി ഹൃദയങ്ങൾ നിങ്ങൾക്കായി തുടിക്കും. എന്നാൽ അത് നിങ്ങളുടെ മേൽ സമ്മർദ്ദം ചെലുത്താൻ അനുവദിക്കരുത്. കാറ്റ് പോലെ ഓടുക. ചീറ്റപ്പുലികളെപ്പോലെ ഓടുക. സ്വയം ആസ്വദിക്കാൻ മാത്രം ഓടുക.’ – ആനന്ദ് മഹീന്ദ്ര കുറിച്ചു.
മുഹമ്മദ് അനസ് യഹിയ, അമോജ് ജേക്കബ്, മുഹമ്മദ് അജ്മൽ വാരിയത്തൊടി, രാജേഷ് രമേഷ് എന്നിവരടങ്ങിയ ഇന്ത്യൻ ക്വാർട്ടറ്റാണ് ഫൈനലിലേക്ക് പ്രവേശിച്ചത്. യുഎസ്സിന് പിന്നാലെ രണ്ടാം സ്ഥാനമാണ് ഇന്ത്യ നേടിയത്. ഏഷ്യൻ റെക്കോർഡ് തകർത്താണ് ഇന്ത്യയുടെ നേട്ടം. ഒന്നാം ഹീറ്റിൽ രണ്ടാം സ്ഥാനത്ത് 2 മിനുറ്റ് 59 സെക്കൻഡ് 5 മില്ലി സെക്കൻഡിലാണ് ഇന്ത്യ ഫിനീഷ് ചെയ്തത്.
Good Luck to you “Relay Rajahs” for the final.
1.4 ബില്യൺ ഹൃദയങ്ങൾ നിങ്ങൾക്കായി തുടിക്കും. എന്നാൽ അത് നിങ്ങളുടെമേൽ സമ്മർദ്ദം ചെലുത്താൻ അനുവദിക്കരുത്! കാറ്റ് പോലെ ഓടുക. ചീറ്റപ്പുലികളെപ്പോലെ ഓടുക. സ്വയം ആസ്വദിക്കാൻ മാത്രം ഓടുക. 🇮🇳 pic.twitter.com/jwEGCVrtX3— anand mahindra (@anandmahindra) August 27, 2023
