ഓണം കേരളത്തിന്റെ ദേശീയോത്സവമാണെന്നാണ് പറയാറുള്ളത്. എന്നാൽ പ്രധാനമന്ത്രി നരേന്ദ്ര മോദി പറഞ്ഞതു പോലെ ഓണം ആഗോളതലത്തിൽ കൊണ്ടാടുന്ന ഉത്സവമായി മാറി കഴിഞ്ഞതിന്റെ വാർത്തകളാണ് നാം ഈ നാളുകളിൽ കണ്ടത്. ആ സന്തോഷത്തിൽ പങ്കുച്ചേരാൻ ഒരാൾ കുടി എത്തിരിക്കുകയാണ്.
ഓണസദ്യയുടെ ചിത്രം പങ്കുവെച്ചാണ് ദുബായി കിരീടവകാശി ഷെയ്ഖ് ഹംദാൻ ഓണാശംസകൾ നേർന്നിരിക്കുന്നത്. നാക്കിലയിൽ 27 കൂട്ടം വിഭവങ്ങളടങ്ങിയ സദ്യയുടെ ചിത്രമാണ് ഇൻസ്റ്റഗ്രാമിൽ അദ്ദേഹം പങ്കുവെച്ചത്. ചിത്രത്തിൽ ഹാപ്പി ഓണം എന്ന ഹാഷ്ടാഗും ചേർത്തിട്ടുണ്ട്. ഉപ്പ് തൊട്ട് വാഴപ്പഴം വരെ മലയാളികൾക്ക് ഇഷ്ടമുള്ള എല്ലാ കറി വട്ടങ്ങളും ഷെയ്ഖ്് ഹംദാനിന്റെ സദ്യയിൽ നമുക്ക് കാണാൻ സാധിക്കും. ഇൻസ്റ്റഗ്രാമിൽ മാത്രം 160 ലക്ഷം ഫോളോവേഴ്സുള്ള ഭരണാധികാരിയാണ് ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ആൽ മക്തൂം.
