മാതാ വൈഷ്‌ണോ ദേവിയുടെ അരികിലെത്തി ഷാരൂഖ് ഖാൻ; ക്ഷേത്ര ദർശനം നടത്തുന്ന വീഡിയോ വൈറൽ

ജമ്മു: സിനിമാപ്രേമികൾ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ജവാൻ. സിനിമയുടെ റിലീസിന് മുന്നോടിയായി ജമ്മുവിലെ വൈഷ്‌ണോ ദേവി ക്ഷേത്രത്തിലെത്തി ദർശനം നടത്തിയിരിക്കുകയാണ് സൂപ്പർസ്റ്റാർ ഷാരൂഖ് ഖാൻ. ജമ്മു കശ്മീരിലെ റിയാസി ജില്ലയിലുള്ള ത്രികുട മലനിരകളിലാണ് മാതാ വൈഷ്‌ണോ ദേവി കുടികൊള്ളുന്ന ക്ഷേത്രം സ്ഥിതിചെയ്യുന്നത്.

VIDEO | Bollywood actor Shah Rukh Khan offered prayers at the revered Vaishno Devi shrine in Jammu earlier today. His much-anticipated film 'Jawan' is scheduled to be released on September 7.

(Source: Third Party) pic.twitter.com/yxNb5TuxyH

— Press Trust of India (@PTI_News) August 30, 2023

#WATCH | J&K | Actor Shah Rukh Khan paid obeisance at Mata Vaishno Devi Shrine last night. pic.twitter.com/I1XgOIhWTX

— ANI (@ANI) August 30, 2023

ചൊവ്വാഴ്ച രാത്രിയോടെയാണ് താരം ക്ഷേത്രത്തിലെത്തി ദർശനം നടത്തിയത്. വൈകിട്ടോടെ കത്രയിലെ ബേസ് ക്യാമ്പിലെത്തിയ താരം 11.40 ഓടെയാണ് ദേവിയെ ദർശിച്ച് മടങ്ങിയത്. സുരക്ഷാ ഉദ്യോഗസ്ഥരോടൊപ്പം താരം നടന്നുപോകുന്ന വീഡിയോ പിടിഐ അടക്കമുള്ള ദേശീയ മാദ്ധ്യമങ്ങൾ പങ്കുവച്ചിട്ടുണ്ട്. വൈഷ്‌ണോ ദേവി ക്ഷേത്ര ബോർഡ് ഉദ്യോഗസ്ഥരും പോലീസുകാരും താരത്തിന്റെ പേഴ്സണൽ സ്റ്റാഫും ഷാരൂഖിനെ അനുഗമിക്കുന്നതും വീഡിയോയിൽ കാണാം. ഒമ്പത് മാസത്തിനിടെ ഇത് രണ്ടാം തവണയാണ് ഷാരൂഖ് ഖാൻ വൈഷ്‌ണോ ദേവിയെ ദർശിക്കാൻ എത്തുന്നത്.