ലക്നൗ: വർഷങ്ങളുടെ അധ്വാനത്തിന്റെ ഫലമായി ഇരു നിലകളുള്ള ഭൂഗർഭ ഭവനം നിർമ്മിച്ച് യുവാവ്. ഉത്തർപ്രദേശിലെ ഹർദോ സ്വദേശിയായ ഇർഫാനാണ് ഭുമിയ്ക്കടിയിൽ ഇരു നിലകളുള്ള വീട് നിർമ്മിച്ചത്. 12 വർഷം കൊണ്ടാണ് ഭൂഗർഭ ഇരുനില വീട് നിർമ്മിച്ചിരിക്കുന്നത്.
11 മുറികൾ, ബാൽക്കണി, ഡ്രോയിംഗ് റൂം എന്നിവയാണ് ഈ വീടിനുള്ളിൽ ഉള്ളത്. 2011-ലാണ് ആദ്യമായി ഭൂഗർഭ വീട് നിർമ്മിക്കാൻ ഇർഫാൻ തീരുമാനിച്ചത്. തുടർന്ന് അന്ന് മുതൽ എല്ലാ ദിവസവും കെട്ടിടത്തിന്റെ നിർമ്മാണ പ്രവർത്തനങ്ങൾ ചെയ്യുന്നതിനായി ഇവിടെയെത്തും. അടുക്കളയിൽ പാചകത്തിന് ഉപയോഗിച്ചിരുന്ന ചട്ടുകം ഉപയോഗിച്ചാണ് കൊട്ടാരത്തിന്റെ നിർമ്മാണം ആരംഭിച്ചത്.
കൊട്ടാരത്തിന്റെ ചുവരുകളിൽ പഴയകാലത്തെ കൊത്തുപണികളും കൊത്തിവച്ചിട്ടുണ്ട്. വീടിന്റെ നിർമ്മാണം പൂർണമായും പൂർത്തിയായിട്ടില്ല. നിർമ്മാണ പ്രവർത്തനങ്ങൾ ഇപ്പോഴും തുടരുകയാണ്. നിരന്തരമായ പരിശ്രമത്തിലൂടെയാണ് ആഗ്രഹം താൻ പൂർത്തീകരിച്ചതെന്ന് ഇർഫാൻ പറഞ്ഞു.
