മഹാദേവന്റെ അശ്രുബിന്ദുക്കളിൽ നിുണ്ടായ രുദ്രാക്ഷവൃക്ഷത്തിൽ മുപ്പത്തിയെട്ടു പ്രകാരത്തിലുള്ള രുദ്രാക്ഷങ്ങൾ ഉണ്ടായി.
“ബഭുവസ്തേ ച രുദ്രാക്ഷാ അഷ്ടത്രിംശത് പ്രഭേദത:
സൂര്യനേത്രസമുദ്ഭൂതാ: കപിലാ ദ്വാദശ സ്മൃതാ:
സോമനേത്രോത്ഥിതാ: ശ്വേതാസ്തേ ഷോഡശവിധാ: ക്രമാത്
വഹ്നിനേത്രോദ്ഭവാ: കൃഷ്ണാ ദശഭേദാ ഭവന്തി ഹി”
വലതു നേത്രത്തിൽ നിന്നു പന്ത്രണ്ടുതരം രുദ്രാക്ഷങ്ങളും ഇടതുനേത്രത്തിൽ നിന്നും പതിനാറുതരം രുദ്രാക്ഷങ്ങളും വഹ്നിനേത്രത്തിൽ നിന്നും പത്തുതരം രുദ്രാക്ഷങ്ങളുമാണ് ഉണ്ടായത്. ഇവയാണ് ഒരു മുഖം മുതൽ മുപ്പത്തെട്ടു മുഖം വരെയുള്ള രുദ്രാക്ഷങ്ങളായി കാണപ്പെടുത്. രുദ്രാക്ഷത്തിന്റെ ഉള്ളിൽ കാണപ്പെടുന്ന ബീജത്തിന്റെ എണ്ണമാണ് അതിന്റെ മുഖമായി എണ്ണുന്നത്. അതായത് ഒരു രുദ്രാക്ഷത്തിനുള്ളിൽ എത്ര ബീജമുണ്ടായിരിക്കുമോ അത്രയും ഖണ്ഡങ്ങൾ ആ രുദ്രാക്ഷത്തിനു പുറത്ത് കാണപ്പെടുു. ഒരു കുലയിൽ തന്നെ ബീജസംഖ്യ വ്യത്യസ്ഥമായ കായകൾ ലഭ്യമായിരിക്കും. ഇവയ്ക്കോരോന്നിനും പ്രത്യേകം പ്രത്യേകം ഗുണവിശേഷങ്ങൾ ഉള്ളതായി കണക്കാക്കപ്പെട്ടിരിക്കുന്നു . ബീജത്തിന്റെ എണ്ണം കൂടുതിനനുസൃതമായി രുദ്രാക്ഷത്തിന്റെ കാന്തികപ്രഭാവം വർദ്ധിക്കുന്നു.
രുദ്രാക്ഷത്തിന്റെ വലുപ്പം
‘ധാത്രീ ഫലപ്രമാണം യച്ഛ്രേഷ്ഠമേദതുദാഹൃതം
ബദരീ ഫലമാത്രം തു പ്രോച്യതെ മദ്ധ്യമം ബുധൈ:
അധമം ചണമാത്രം സ്യാത് പ്രതിജ്ഞൈഷാമയോദിത’
(നെല്ലിക്കയുടെ വലുപ്പമുള്ള രുദ്രാക്ഷമാണ് ഉത്തമം. ബദരീഫലത്തിന്റെ അത്രയുമുള്ളത് മദ്ധ്യമം. കടലമണിയുടെ അത്രയും വലുപ്പമുള്ളത് അധമമാണെും ഞാൻ ഉറപ്പിച്ചു പറയാം.)
ആവശ്യത്തിന് വലുപ്പമുള്ള രുദ്രാക്ഷത്തെ മാത്രമേ വാലും തലയും നോക്കി തിരിക്കാനാകൂ. വലുപ്പം കുറഞ്ഞു പോകുന്തോറും പൊളാരിറ്റി നോക്കി കോർക്കാനാവില്ല. ആയതിനാൽ ധാരണത്തിനു തെരഞ്ഞെടുക്കുന്ന രുദ്രാക്ഷം ഏറ്റവും വലുപ്പമുള്ളതാണ് നല്ലത്. അതിന് ശക്തിയും കൂടുതൽ ഉണ്ടാകും.
രുദ്രാക്ഷത്തിന്റെ എണ്ണം
“ത്രിശതംത്വധമം പഞ്ചശതം മദ്ധ്യമമുച്യതേ
സഹസ്രമുത്തമം പ്രോക്തം ചൈവം ഭേദേന ധാരയേത്”
മുന്നൂറെണ്ണം ധരിക്കരുത് അധമം, അഞ്ഞൂറായാൽ മദ്ധ്യമം, ആയിരം എണ്ണം ധരിക്കുകയാണ് ഉത്തമം. ആയിരത്തി ഒരുനൂറു രുദ്രാക്ഷം കൊണ്ടുള്ള തൊപ്പിയും പിന്നെ ശിഖയിലും, കാതുകളിലും, കണ്ഠത്തിലും, വക്ഷസിലും ആഭരണങ്ങളായും, ഉപവീതമായും ഒഢ്യാണമായും കൈവള, തോൾവള എിങ്ങനെയായും ധരിക്കാനും നിർദ്ദേശിക്കുുനു മാലയാക്കുമ്പോൾ ധരിക്കേണ്ട സംഖ്യയ്ക്ക് വിവിധ ഗ്രന്ഥങ്ങളിൽ വ്യത്യസ്ത പാഠഭേദങ്ങൾ കാണാം. അതിനാൽ നമുക്ക് പ്രായോഗികമായതു തെരഞ്ഞെടുക്കുകയാണ് നല്ലത്.
രുദ്രാക്ഷത്തിന്റെ വലുപ്പവും അതിലടങ്ങിയിരിക്കുന്ന ബീജസംഖ്യയും വർദ്ധിക്കുന്നതനുസരിച്ച് രുദ്രാക്ഷത്തിന്റെ ശക്തിമണ്ഡലം വർദ്ധിക്കുന്നു. ബീജസംഖ്യകൂടുതലുള്ള, വർദ്ധിച്ച മുഖമുള്ള രുദ്രാക്ഷങ്ങൾ പ്രായേണ വിരളമാവുകയാൽ സുലഭമായ അഞ്ചുമുഖ രുദ്രാക്ഷമാണ് മാലയ്ക്ക് ഉപയോഗിക്കാറുള്ളത്. ഉന്നതമുഖമുള്ള ഒരു രുദ്രാക്ഷത്തിനു തുല്യമായ ശകതിമണ്ഡലം ആവശ്യമുള്ളവർ പഞ്ചമുഖരുദ്രാക്ഷം കൂടുതൽ എണ്ണെമെടുത്ത് ശാസ്ത്രീയമായ രീതിയിൽ മാലകോർത്ത് ഊർജ്ജമണ്ഡലം വർദ്ധിപ്പിക്കുന്നു. എണ്ണം കൂടുന്തോറും മാലയുടെ ഊർജ്ജമണ്ഡലവും വർദ്ധിക്കുന്നു . മുഖം വർദ്ധിക്കുമ്പോൾ ഊർജ്ജമണ്ഡലം വർദ്ധിക്കുമെന്നു താന്ത്രിക ഗ്രന്ഥങ്ങളിൽ സൂചനയുണ്ട്. ഒരുമുഖ രുദ്രാക്ഷം ധരിച്ചാൽ ഒരായിരം യുഗസഹസ്രം ശിവലോകപ്രാപ്തി ലഭിക്കും. രണ്ടു മുഖമായാൽ രണ്ടായിരം യുഗസഹസ്രം ശിവലോകപ്രാപ്തി ലഭിക്കും. ഉത്തരോത്തരം മുഖം കൂടുംതോറും രുദ്രാക്ഷധാരണം കൊണ്ടുണ്ടാകു സുഖാനുഭവകാലം കൂടുമെന്നു താൽപര്യം.
തുടരും
എഴുതിയത്
എൻ ജി മുരളി കോസ്മോകി.
റെയ്കി ഗ്രാൻഡ് മാസ്റ്റർ, 23 വർഷമായി റെയ്കി പഠിപ്പിക്കുന്നു. പഞ്ചഗവ്യ ചികിസയിലും രുദ്രാക്ഷ തെറാപ്പിയിലും ഗവേഷണം ചെയ്യുന്നു. തൃപ്പൂണിത്തുറ സ്വദേശം.
ഫോൺ: 88480 48241
94470 75775
എൻ ജി മുരളി കോസ്മോകി എഴുതിയ രുദ്രാക്ഷ മാഹാത്മ്യത്തിന്റെ എല്ലാ ഭാഗങ്ങളും വായിക്കാൻ താഴെയുള്ള ലിങ്ക് ക്ലിക്ക് ചെയ്യുക
https://janamtv.com/tag/rudraksha-mahatmyam/
Comments