ചന്ദ്രനിൽ സ്ഥലം എങ്ങനെ വാങ്ങാം?; ഏത് വെബ്സൈറ്റ് സന്ദർശിക്കണം!; ചന്ദ്രനിൽ സ്ഥലം വാങ്ങിയ ബോളിവുഡ് താരങ്ങൾ ആരൊക്കെ, അറിയാം..

ഇന്ത്യയുടെ ചന്ദ്രയാൻ-3 വിജയകരമായി ചന്ദ്രനിൽ ഇറങ്ങിയതിന് തൊട്ടുപിന്നാലെ ഇന്ത്യൻ വ്യവസായി ചന്ദ്രനിൽ സ്ഥലം വാങ്ങി എന്നുള്ള വാർത്ത ഏറെ ശ്രദ്ധിക്കപ്പെട്ടിരുന്നു. ജമ്മുവിൽ നിന്നുള്ള വ്യവസായിയും വിദ്യാഭ്യാസ വിചക്ഷണനുമായ രൂപേഷ് മാസൻ ആണ് ഓഗസ്റ്റ് 25-ന് ചന്ദ്രനിൽ സ്ഥലം വാങ്ങിയത്. ഓഗസ്റ്റ് 23-നായിരുന്നു ചന്ദ്രയാൻ-3 ചന്ദ്രനിൽ വിജയകരമായി ഇറങ്ങിയത്. ജമ്മു കശ്മീരിലെയും ലേയിലെയും യു‌സി‌എം‌എ‌എസിന്റെ റീജിയണൽ ഡയറക്ടറുമാണ് ചന്ദ്രനിൽ സ്ഥലം വാങ്ങിയ 49 കാരനായ രൂപേഷ്. ഈ വാർത്ത പുറത്തു വന്നതോടെ ചന്ദ്രനിൽ എങ്ങനെ സ്ഥലം വാങ്ങാം എന്നുള്ള സംശയം പലർക്കും ഉണ്ടായി.

ചന്ദ്രനിൽ എങ്ങനെ സ്ഥലം വാങ്ങാം?

ചന്ദ്രനിൽ സ്ഥലം സ്വന്തമാക്കുന്നതിനായി 1999-ൽ ഇന്റർനാഷണൽ ലൂണാർ ലാൻഡ്സ് രജിസ്ട്രി (ILLR) ആരംഭിച്ചു. ഇതുവഴിയാണ് സ്ഥലം വാങ്ങുക. വെബ്‌സൈറ്റിലെ വിവരം അനുസരിച്ച് രൂപേഷ് മാസൻ സ്ഥലം വാങ്ങിയ ചന്ദ്രനിലെ പ്ലോട്ടിന്റെ നിലവിലെ നിരക്ക് ഏക്കറിന് 2,405 രൂപയാണ് (29.07 ഡോളർ). ലാക്കസ് ഫെലിസിറ്റാറ്റിസ്(സന്തോഷത്തിന്റെ തടാകം) എന്നറിയപ്പെടുന്ന ലൂണ എർത്ത്സ് മൂൺ, ട്രാക്റ്റ് 55-പാഴ്സൽ 10772-ലാണ് രൂപേഷ് മാസൻ സ്ഥലം വാങ്ങിയത്. മഴയുടെ കടൽ, ബേ ഓഫ് റെയിൻബോസ് എന്നിങ്ങനെയുള്ള പേരുകളിലും ചന്ദ്രനിൽ സ്ഥലങ്ങളുണ്ട്.

ഇന്ത്യൻ ബഹിരാകാശ ഗവേഷണ സ്ഥാപനത്തിന് കീഴിൽ ചന്ദ്രനിൽ നിങ്ങൾക്ക് സ്ഥലം വാങ്ങണമെങ്കിൽ ആദ്യം www.lunarregistry.com എന്ന വെബ്സൈറ്റ് സന്ദർശിക്കുക. ഇവിടെ ലാൻഡ് ലൂണാർ പ്രോപ്പർട്ടി രജിസ്‌ട്രേഷനായി ഓൺലൈനായി അപേക്ഷിക്കാം. ചാന്ദ്ര സ്ഥലം രജിസ്ട്രേഷനായി താൽപ്പര്യമുള്ള എല്ലാ പൗരന്മാർക്കും ഓൺലൈനായി അപേക്ഷിക്കാം.

പൗരന്മാർ ആദ്യം ലൂണാർ ലാൻഡ് രജിസ്ട്രേഷൻ ഔദ്യോഗിക വെബ്സൈറ്റ് സന്ദർശിക്കണം. അതായത് https://lunarregistry.com/ 

ഹോം പേജിൽ നിന്ന് ലൂണാർ പ്രോപ്പർട്ടി രജിസ്ട്രിയും ലൂണാർ പ്രോപ്പർട്ടി രജിസ്ട്രേഷൻ കോസ്റ്റ് ഏറ്റവും പുതിയ അപ്ഡേറ്റും പരിശോധിക്കുക.

ഡൗൺലോഡ് സ്ക്രോൾ ചെയ്ത് ബൈ ലാൻഡ് ഓൺ മൂൺ ബട്ടണിൽ ക്ലിക്ക് ചെയ്യുക.

ഇനി നിങ്ങൾ സ്ഥലം എടുക്കാൻ ആഗ്രഹിക്കുന്ന ചന്ദ്രനിൽ നിങ്ങളുടെ ലാൻഡിംഗ് സൈറ്റ് തിരഞ്ഞെടുക്കുക.

ചന്ദ്രനിൽ ഉടമകളുടെ പേരും ഏക്കർ കണക്കിന് സ്ഥലവും പൂരിപ്പിക്കുക.

ഇമെയിൽ ഐഡി വഴിയുള്ള രജിസ്ട്രേഷനും മറ്റ് വിശദാംശങ്ങളും ഇവിടെ നിന്ന് പൂർത്തിയാക്കുക.

ഇവിടെ ഓൺലൈൻ പേയ്‌മെന്റ് രീതിയിലൂടെ പണമടയ്‌ക്കുക.

ഇപ്പോൾ ലൂണാർ പ്രോപ്പർട്ടി രജിസ്ട്രേഷൻ ഫോം സേവ് ചെയ്ത് ഇവിടെ നിന്ന് ചന്ദ്രനിലെ ലൂണാർ ലാൻഡ് രജിസ്ട്രി പരിശോധിക്കുക.

ചന്ദ്രനിൽ സ്ഥലം വാങ്ങിയ ബോളിവുഡ് താരങ്ങൾ

ചന്ദ്രനിൽ സ്ഥലം വാങ്ങിയ ആദ്യ ബോളിവുഡ് താരമാണ് സുശാന്ത് സിംഗ് രജ്പുത് (എസ്എസ്ആർ). ‘സീ ഓഫ് മസ്‌കോവി’യുടെ മേരെ മസ്‌കോവിയൻസ് എന്ന് വിളിക്കപ്പെടുന്ന പ്രദേശത്ത് ചന്ദ്രന്റെ മറുവശത്ത് അദ്ദേഹം ഭൂമി വാങ്ങിയിരുന്നു. അന്തരിച്ച നടൻ ഇന്റർനാഷണൽ ലൂണാർ ലാൻഡ്സ് രജിസ്ട്രിയിൽ നിന്നാണ് സ്വത്ത് വാങ്ങിയത്. 2018-ലാണ് സുശാന്ത് ചന്ദ്രനിൽ ഭൂമി വാങ്ങിയത്.

ലൂണാർ രജിസ്ട്രി പ്രകാരം, നടൻ ഷാരൂഖ് ഖാനും ചന്ദ്രനിൽ സ്ഥലമുണ്ട്. സീ ഓഫ് ട്രാൻക്വിലിറ്റി എന്നറിയപ്പെടുന്ന ഇടത്താണ്  ഷാരുഖിന് സ്ഥലം ഉള്ളത്. നടന്റെ ഒരു ഓസ്‌ട്രേലിയൻ ആരാധകനാണ് അദ്ദേഹത്തിനായി ചന്ദ്രനിൽ സ്ഥലം വാങ്ങി നൽകിയത്. ഇക്കാര്യം ഷാരൂഖ് തന്നെ നേരത്തെ സ്ഥിരീകരിച്ചിട്ടുണ്ട്.

ബി​ഗ് ബോസ് പ്രണയ ജോഡികളായ പ്രിയങ്ക ചാഹർ ചൗധരിയും അങ്കിത് ഗുപ്തയും ചന്ദ്രനിൽ സ്ഥലം വാങ്ങിയവരാണ്. ആരാധകരാണ് താരങ്ങൾക്ക് ചന്ദ്രനിൽ സ്ഥലം വാങ്ങി നൽകിയത്. അംഗീകൃത ലൂണാർ ചാർട്ടിന്റെ അങ്ങേയറ്റത്തെ വടക്കുപടിഞ്ഞാറൻ കോണിൽ കൃത്യമായി 6 ചതുരങ്ങൾ തെക്കും 6 ചതുരങ്ങൾ കിഴക്കും സ്ഥിതി ചെയ്യുന്ന ഇടത്താണ് ഇവർക്ക് സ്ഥലം ലഭിച്ചിരിക്കുന്നത്.