നാസയുടെയും സ്പേസ് എക്സിന്റെയും സംയുക്ത ദൗത്യത്തിലൂടെ ബഹിരാകാശ നിലയത്തിലെത്തിയ ക്രൂ6 സംഘം തിരികെ ഭൂമിയിലേക്ക്. രാജ്യാന്തര ബഹിരാകാശ നിലയത്തിൽ ആറ് മാസം പൂർത്തിയാക്കിയ ശേഷമാണ് മടക്ക യാത്ര. ഇന്ന് വൈകിട്ട് 3.05-ന് ഡ്രാഗൺ സ്പേസ് ക്രാഫ്റ്റ് പുറപ്പെടുക. നാളെ രാവിലെ 8.07-ന് ഫ്ളോറിഡ തീരത്ത് ലാൻഡ് ചെയ്യുമെന്ന് ദുബായിലെ മുഹമ്മദ് ബിൻ റാഷിദ് സ്പേസ് സെന്റർ അറിയിച്ചു.
ക്രൂ-6 കഴിഞ്ഞ മാർച്ച് മൂന്നിനാണ് ബഹിരാകാശ നിലയത്തിലെത്തുന്നത്. ഏകദേശം 200-ഓളം ദാത്യങ്ങളാണ് സംഘം പൂർത്തിയാക്കിയത്. ബാക്കിയുള്ള ദൗത്യങ്ങൾ പൂർത്തിയാക്കുന്നതിനായി ക്രൂ-7 സംഘം ബഹിരാകാശ നിലയത്തിലെത്തിയിട്ടുണ്ട്.
