കാൻഡി: ഏഷ്യാ കപ്പിൽ ഇന്ന് ഇന്ത്യ- നേപ്പാൾ മത്സരം നടക്കാനിരിക്കെ ഇന്ത്യൻ പേസ് ബൗളർ ജസ്പ്രീത് ബുമ്ര നാട്ടിലേയ്ക്ക് മടങ്ങി. വ്യക്തിപരമായ കാരണങ്ങളാലാണ് താരം നാട്ടിലേക്ക് മടങ്ങിയതെന്നും ബുമ്രയും കുടുംബവും ആദ്യത്തെ കൺമണിക്കായുളള കാത്തിരിപ്പിലാണെന്നും അധികൃതർ അറിയിച്ചു. ബുമ്രയ്ക്ക് പകരം ഷമിയെ ടീമിലേയ്ക്ക് ഉൾപ്പെടുത്തുമെന്നും സൂചനയുണ്ട്. ഇന്ത്യയ്ക്ക് സൂപ്പർ ഫോറിലേയ്ക്ക് കടക്കാനായാൽ ബുമ്ര വീണ്ടും ടീമിനൊപ്പം ചേരും.
നീണ്ട ഇടവേളയ്ക്ക് ശേഷമാണ് അയർലൻഡ് പര്യടനത്തിലൂടെ ബുമ്ര ഇന്ത്യൻ ടീമിലേയ്ക്ക് തിരിച്ചെത്തുന്നത്. മടങ്ങി വരവിൽ അയർലഡിന്റെ 2 വിക്കറ്റുകളും ആദ്യ ഓവറിൽ തന്നെ താരം സ്വന്തമാക്കി. ഏഷ്യ കപ്പിൽ പാകിസ്താനെതിരെ ബൗളിംഗിന് അവസരം ലഭിച്ചില്ലെങ്കിലും ബാറ്റിംഗിൽ 14 പന്തിൽ നിന്ന് 16 റൺസ് നേടി.
