എനിക്ക് മാത്രമല്ല ഇദ്ദേഹത്തിനുമുണ്ട് ടിക്കറ്റ്…! രണ്ടാമനെ കണ്ട് ഞെട്ടി ടിടിഇ

ട്രെയിൻ ടിക്കറ്റ് എടുക്കാതെ യാത്ര ചെയ്യുന്നവർ എപ്പോഴും ടിടിഇയെ ഭയന്നായിരിക്കും ഓരോ സ്‌റ്റോപ്പുകളും കടന്നു പോവുക. ടിക്കറ്റ് ഇല്ലാതെ യാത്ര ചെയ്ത് ടിടിഇയുടെ കയ്യിൽ പെട്ടാൽ പിന്നെ ട്രെയിനിൽ നിന്ന് ഇറങ്ങുകയോ ഫൈൻ അടയ്‌ക്കുകയോ ചെയ്യേണ്ടിവരും. എന്നാൽ ടിക്കറ്റെടുത്ത് താരമായ അമ്മയെ കുറിച്ചാണ് നിങ്ങൾ ഇനി അറിയാൻ പോകുന്നത്. ടിക്കറ്റ് എടുത്തതിൽ എന്താണ് പ്രത്യേകത എന്നാകും നിങ്ങൾ ഇപ്പോൾ ചിന്തിച്ചിട്ടുണ്ടാവുക. എന്നാൽ അതിലൊരു പ്രത്യേകതയുണ്ട്. തന്റെ വളർത്തു മൃഗമായ ആടിന് കൂടി ടിക്കറ്റെടുത്താണ് അമ്മ യാത്ര ചെയ്യുന്നത്.

ടിടിഇ ടിക്കറ്റ് പരിശോധിക്കാൻ എത്തിയപ്പോൾ ആടിനും ടിക്കറ്റ് എടുത്തിട്ടുണ്ടോ എന്ന് അമ്മയോട് തമാശയായി ചോദിക്കുന്നുണ്ട്. എന്നാൽ ടിടിഇയെ അത്ഭുതപ്പെടുത്തി കൊണ്ട് ടിക്കറ്റ് എടുത്തിട്ടുണ്ടെന്ന് പറഞ്ഞ അമ്മ ഒരു ചെറു പുഞ്ചിരിയോടെ രണ്ട് ടിക്കറ്റുകളും എടുത്ത് കാണിക്കുന്നു. ഇതിന്റെ ദൃശ്യങ്ങളാണ് സമൂഹ മാദ്ധ്യമങ്ങളിൽ ഇടം പിടിക്കുന്നത്. അമ്മയുടെ നിഷ്‌കളങ്കത നിറഞ്ഞ പ്രവർത്തിയെയും ആടിനെ സ്വന്തം കുടുംബാംഗത്തെ പോലെ സ്‌നേഹിക്കുന്നതിനും നിരവധി ആളുകളാണ് അമ്മയ്‌ക്ക് കയ്യടികളുമായി രംഗത്തെത്തിയത്.

She bought train ticket for her goat as well and proudly tells this to the TTE.

Look at her smile. Awesome.❤️ pic.twitter.com/gqFqOAdheq

— Awanish Sharan 🇮🇳 (@AwanishSharan) September 6, 2023

“>