മലയാള സിനിമയിലെ യുവനടന്മാരെ വാനോളം പുകഴ്ത്തി മാളവിക ജയറാം. ദുൽഖർ സൽമാന്റെ കൂടെ റൊമാന്റിക് സിനിമ ചെയ്യാൻ താല്പര്യമുണ്ടെന്ന് താരം പറഞ്ഞു. സാധാരണ അഭിമുഖങ്ങളിൽ കാണുന്ന ഒരാളല്ല ഫഹദ് ഫാസിൽ. എല്ലാവരെയും കളിയാക്കുന്ന വളരെ ഫൺ ആയിട്ടുള്ള വ്യക്തിയാണ് ഫഹദ് ഫാസിൽ. ഫില്റ്റര് ഇല്ലാത്ത ഒരാളായിട്ടാണ് പ്രണവിനെ തോന്നിയിട്ടുള്ളതെന്നും ഒരു ഓൺലൈൻ ചാനലിന് നൽകിയ അഭിമുഖത്തിൽ മാളവിക ജയറാം മനസ്സ് തുറന്നു.
‘എന്റെ അറിവില് ഫഹദ് ഫാസിൽ ഒരുപാട് ലയേഴ്സ് ഉള്ള ഒരാളാണ്. ഇന്റര്വ്യൂസില് കാണുന്ന പോലെയുള്ള ഒരാളല്ല. അടുത്തറിയാന് ഒരവസരം കിട്ടുകയാണെങ്കില് നിങ്ങള്ക്ക് മനസിലാകും ആൾ അടിപൊളിയാണെന്ന്. ഭയങ്കര ഫണ് ആണ്. ഇന്റര്വ്യൂസിലൊക്കെ കുറച്ചൊക്കെ സൈലന്റ് ആയി സംസാരിക്കും. നമ്മളെയൊക്കെ കളിയാക്കുന്ന ഒരു ടൈപ്പ് ആണ്’.
‘ദുൽഖർ സൽമാനെ പണ്ട് പരിചയപ്പെട്ടതാ, ഭയങ്കര ക്ലോസായിട്ടൊന്നും അറിയില്ല. പക്ഷെ ഭയങ്കര ക്യൂട്ട് ആണ്. ഞാന് എല്ലായിടത്തും പറഞ്ഞിട്ടുണ്ട്, എനിക്ക് എന്നെങ്കിലും ഒരിക്കല് ദുൽഖറിനൊപ്പം ഒരു റൊമാന്റിക് സിനിമ മുഴുവനായി കൂടെ ചെയ്യണമെന്ന്. എനിക്ക് കൂടെ അഭിനയിക്കണമെന്ന് ആഗ്രഹമുള്ള നടന്മാരില് ഒരാളാണ് ദുല്ഖര്’.
‘പ്രണവ് മോഹൻലാൽ ഫില്റ്റര് ഇല്ലാത്തൊരാളായിട്ടാണ് തോന്നിയിട്ടുള്ളത്. അവര് ഇവിടെ ചെന്നൈയില് താമസിച്ചിരുന്നപ്പോഴുള്ള പരിചയമാണ്. നമ്മളൊക്കെ വളർന്നതിനുശേഷം നേരിട്ട് കണ്ടിട്ടില്ല. സിനിമയിലൊക്കെ വന്നതിനു ശേഷം ഞാന് കണ്ടിട്ടില്ല. അപ്പു ഒരു ഫില്റ്റര് ഇല്ലാത്ത ഒരാളാണ്. ഇതിലും നല്ലത് അവന് അര്ഹിക്കുന്നുണ്ട്’- മാളവിക പറഞ്ഞു.
