“സർവ്വയജ്ഞപോദാന വേദാഭ്യാസൈശ്ച യദ് ഫലം
തത് ഫലം ലഭതേ സദ്യോ രുദ്രാക്ഷസൃതു ധാരണാത്”
സർവ്വയജ്ഞങ്ങളും തപസും ദാനവും വേദാഭ്യാസവും കൊണ്ട് എന്തു ഫലമുണ്ടാകുമോ അതേ ഫലം രുദ്രാക്ഷധാരണം കൊണ്ട് വേഗത്തിൽ ലഭ്യമാകും. നാലു വേദങ്ങളും അഭ്യസിക്കുകയും പുരാണങ്ങൾ വായിക്കുകയും തീർത്ഥാടനങ്ങൾ നടത്തുകയും സർവ്വവിദ്യകളും നേടുകയും ചെയ്താൽ എന്തു പുണ്യം ലഭിയ്ക്കുമോ ആ പുണ്യം രുദ്രാക്ഷധാരണം കൊണ്ടു മാത്രം ലഭിക്കും.
നിരന്തരമായ വേദമന്ത്രജപം കെണ്ട് കാന്തികമണ്ഡലം പുഷ്ടിപ്പെടുത്താനാവും കാന്തികമണ്ഡലത്തിലെ അപസ്പന്ദനങ്ങളെ നീക്കി ശുദ്ധ-സാത്വികബോധം വളർത്താൻ യജ്ഞങ്ങളും തപസും നാമജപവും പുരാണശ്രവണവും തീർത്ഥാടനവും ചെയ്യണം. ആയതൊക്കെ ചെയ്യുതിനേക്കാൾ പെട്ടെന്ന് രുദ്രാക്ഷധാരണത്താൽ മാത്രം കാന്തിക പ്രഭാവം (ഓറ) വർദ്ധിപ്പിക്കാനാവുമെന്നു ഇതിൽ നിന്നും മനസ്സിലാക്കാം.
“പ്രയാണകാലേ രുദ്രാക്ഷം ബന്ധയിത്വാ മ്രിയേദ്യദി
സരുദ്രത്വമവാപ്നോതി പുനർജന്മ ന വിദ്യതേ”
അന്ത്യയാത്രയിൽ രുദ്രാക്ഷം ധരിച്ചു കൊണ്ടു മരിച്ചാൽ രുദ്രപദം പ്രാപിക്കും; പുനർജന്മമുണ്ടാവില്ല. ഇരുപത്തൊന്നു തലമുറയെ ഉദ്ധരിച്ചു കൊണ്ട് ആ ജീവൻ രുദ്രലോകത്തു തന്നെവസിക്കും. ബ്രാഹ്മണനായാലും ചണ്ഡാളനായാലും നിർഗുണനായാലും സഗുണനായാലും വ്യത്യാസമില്ല തന്നെ. കുലഹീനനും സ്വകർമ്മം വെടിഞ്ഞവനും പാപിയും ജപധ്യാനാദികൾ ഇല്ലാത്തവനും രുദ്രാക്ഷം ധരിച്ചാൽ സർവ്വപാപങ്ങളിൽ നിന്നും മുക്തനായി പരമഗതിയെ പ്രാപിക്കും. കഴുത്തിൽ രുദ്രാക്ഷം കെട്ടിക്കൊണ്ടു മരിക്കുന്ന ഏതു ജീവനും മുക്തി ലഭിക്കും. പിന്നെ മനുഷ്യരുടെ കാര്യം എന്തു പറയാനാണ്.
അതീവ സൂക്ഷ്മമായ ഊർജ്ജം വഹിക്കുന്ന, ബൃഹത്തായ കാന്തിക പ്രഭാവമുള്ള രുദ്രാക്ഷം ധരിക്കുന്നതോട് കൂടി, ധരിക്കുന്നയാളിന്റെ വൈദ്യുത കാന്തികമണ്ഡലം അഥവാ ഓറ അതീവ ശക്തമാവുകയും അതിന്റെ വ്യാപ്തം വർദ്ധിക്കുകയും ചെയ്യും. രുദ്രാക്ഷത്തിന്റെ സ്വഭാവം സത്വഗുണമാണെ് അറിയാമല്ലോ?. ഓരോ ഊർജ്ജത്തേയും സത്വഗുണം, രജോഗുണം, തമോഗുണം, എിങ്ങനെ വർഗ്ഗീകരിച്ചിരിക്കുന്നു. കൂടുതൽ ജ്ഞാനത്തെ പ്രസരിപ്പിക്കുന്നത് സത്വഗുണം, ക്രിയാശേഷിയ്ക്കു വേണ്ടിയുള്ള ഊർജ്ജം രജോഗുണം, രൂപത്തെ (ശരീരം)സൃഷ്ടിക്കുന്നത് തമോഗുണം. അതിൽ ജ്ഞാനവും ക്രിയാശക്തിയും കുറഞ്ഞിരിക്കും. ജ്ഞാനത്തെ കൂടുതൽ പ്രസരിപ്പിക്കുന്ന സത്വഗുണം മുന്തിനിൽക്കുന്ന രുദ്രാക്ഷം നമ്മുടെ ബോധമണ്ഡലത്തെ ഉത്തേജിപ്പിച്ച് നമുക്ക് സത്വഗുണവും ജ്ഞാനവും നൽകും. മുന്നോട്ടുള്ള ജീവിതപ്രയാണത്തിന് ലാഘവവും ശരിയായ ദിശാബോധവും ഇതുവഴി ലഭ്യമാകും. ശുഭമായ ഈ ജീവിതം മോക്ഷത്തിലേയ്ക്ക് നമ്മെ നയിക്കും. ഇത് മനസ്സിലാക്കിയിട്ടാണ് ജീവിത സായന്തനങ്ങളിൽ വൃദ്ധരായി കഴിഞ്ഞാൽ ആളുകൾ രുദ്രാക്ഷം ധരിക്കാൻ ഇഷ്ടപ്പെടുന്നത്.
തുടരും
എഴുതിയത്
എൻ ജി മുരളി കോസ്മോകി
റെയ്കി ഗ്രാൻഡ് മാസ്റ്റർ, 23 വർഷമായി റെയ്കി പഠിപ്പിക്കുന്നു. പഞ്ചഗവ്യ ചികിസയിലും രുദ്രാക്ഷ തെറാപ്പിയിലും ഗവേഷണം ചെയ്യുന്നു. തൃപ്പൂണിത്തുറ സ്വദേശം.
ഫോൺ: 88480 48241
94470 75775
രുദ്രാക്ഷത്തെക്കുറിച്ച് അറിയേണ്ടതെല്ലാം *എൻ ജി മുരളി കോസ്മോകി എഴുതുന്ന രുദ്രാക്ഷ മാഹാത്മ്യം വായിക്കുവാൻ ഈ ലിങ്കിൽ ക്ലിക്ക് ചെയ്യുക*.
https://janamtv.com/tag/rudraksha-mahatmyam/
Comments