ലക്നൗ : സമാജ്വാദി പാർട്ടി ദേശീയ ജനറൽ സെക്രട്ടറിയും മുൻ മന്ത്രിയുമായ അസം ഖാന്റെ വീടുകളിലും, വ്യാപാര സ്ഥാപനങ്ങളിലും ആദായനികുതി സംഘത്തിന്റെ റെയ്ഡ് . ആദായ നികുതി ഉദ്യോഗസ്ഥരും കനത്ത പോലീസ് സേനയും അസം ഖാന്റെ വീട് വളഞ്ഞിരിക്കുകയാണെന്നാണ് റിപ്പോർട്ട് .
അസംഖാന്റെ അൽ ജൗഹർ ട്രസ്റ്റിലാണ് ആദ്യ റെയ്ഡ് നടന്നതെന്നാണ് പ്രാഥമിക വിവരം. രാംപൂർ , ലക്നൗ , മീററ്റ്, ഗാസിയാബാദ്, സഹാറൻപൂർ, സീതാപൂർ എന്നിവിടങ്ങളിലും ആദായനികുതി വകുപ്പിന്റെ റെയ്ഡുകൾ നടക്കുന്നുണ്ട്.
രാവിലെ ആറ് മണി മുതൽ അസംഖാന്റെ വീട്ടിൽ റെയ്ഡ് നടക്കുകയാണെന്നാണ് വിവരം. 2019ൽ കർഷകരുടെ ഭൂമി തട്ടിയെടുത്തതിന് ജോഹർ സർവകലാശാലയ്ക്കെതിരെ ഇഡി കേസ് രജിസ്റ്റർ ചെയ്തിരുന്നു. അസം ഖാന്റെ വീട്ടിൽ നിന്ന് കണ്ടെത്തിയ സ്വർണ്ണത്തിന്റെ മൂല്യം കണക്കാക്കാൻ സ്വർണ്ണപ്പണിക്കാരെയും വിളിച്ചു വരുത്തിയിട്ടുണ്ട്.
