പാക് അധീന കശ്മീർ ഭാരതത്തിന്റെ ഭാഗമാക്കിയത് തെറ്റ് : അന്താരാഷ്‌ട്ര തലത്തിൽ ഞങ്ങൾ ഇത് പറയും ; യുഎഇയ്‌ക്കെതിരെ പാകിസ്താൻ

ന്യൂഡൽഹി : പാക് അധീന കശ്മീരിനെ ഇന്ത്യയുടെ ഭാഗമാക്കിയുളള വീഡിയോ പങ്കുവച്ച യുഎഇ ഉപപ്രധാനമന്ത്രി സെയ്ഫ് ബിൻ സായിദ് അൽ നഹ്യാനെതിരെ പാകിസ്താൻ.

‘ ഭൂപടത്തിൽ ജമ്മു കശ്മീർ മുഴുവനും ഇന്ത്യയുടേതാണെന്ന് പറയുന്നു. ഇത് നിയമപരമായി തെറ്റാണ്. അന്താരാഷ്‌ട്ര തലത്തിൽ ഇത് പറയുമെന്നും ‘ പാക് വിദേശകാര്യ വക്താവ് മുംതാസ് സഹ്‌റ പറഞ്ഞു. ഇന്ത്യ-മിഡിൽ ഈസ്റ്റ്-യൂറോപ്പ് സാമ്പത്തിക ഇടനാഴി പദ്ധതി നടപ്പിലാക്കിയ ശേഷം ഞങ്ങൾക്ക് അഭിപ്രായം പറയേണ്ട അവസ്ഥയുണ്ടാകും. മറ്റ് രാജ്യങ്ങൾക്കുള്ള പ്രത്യാഘാതങ്ങൾ ഉൾപ്പെടെ ഒന്നിലധികം ഘടകങ്ങൾ കണക്കിലെടുത്ത്, വിവിധ കണക്റ്റിവിറ്റി പ്രോജക്‌റ്റുകളുടെ തീരുമാനങ്ങൾ കേസ്-ടു-കേസ് അടിസ്ഥാനത്തിലാണ് ഇത് എടുക്കേണ്ടതെന്ന് ഞങ്ങൾ വിശ്വസിക്കുന്നു.

മുൻ നാട്ടുരാജ്യമായ ജമ്മു കശ്മീർ അന്താരാഷ്‌ട്ര തലത്തിൽ അംഗീകരിക്കപ്പെട്ട ഒരു തർക്കപ്രദേശമാണ് .യുഎൻ സുരക്ഷാ കൗൺസിൽ പ്രമേയങ്ങൾക്കും കശ്മീരി ജനതയുടെ അഭിലാഷങ്ങൾക്കും അനുസൃതമായി അന്തിമ തീർപ്പുണ്ടാക്കണം.- മുംതാസ് സഹ്‌റ പറഞ്ഞു.

പാക് അധീന കശ്മീർ വിഷയത്തിൽ യുഎഇയുടെ ഇന്ത്യ അനുകൂല നിലപാടാണ് വീഡിയോയിലൂടെ വ്യക്തമാകുന്നത്.പാക് അധീന കശ്മീർ ഇന്ത്യയുടെ ഭാഗമല്ലെന്ന പാകിസ്താന്റെ വാദത്തിന് അറബ് രാജ്യങ്ങളുടെ മറുപടിയാണ് വീഡിയോ