ഏഷ്യൻ ഗെയിംസ് ഫുട്ബോളിനായി എഐഎഫ്എഫ് പ്രഖ്യാപിച്ചിരിക്കുന്ന പുരുഷ ടീം അന്തിമമാണെങ്കിൽ ഇന്ത്യയെ കാത്തിരിക്കുന്നത് വെല്ലുവിളികളാണെന്ന് നായകൻ സുനിൽ ഛേത്രി. ഏഷ്യൻ ഗെയിംസിന് അണ്ടർ-23 ടീമിനെയാണ് അയച്ചിരുന്നതെങ്കിൽ ഞാൻ അതിൽ സന്തോഷിക്കും. ബി ടീം ആണെങ്കിലും ഒരുപാട് നാൾ ഒരുമിച്ച് കളിച്ചവരാണ് അവർ. ഏഷ്യൻ ഗെയിംസിലും മികച്ച പ്രകടനം പുറത്തെടുക്കാൻ അവർക്ക് സാധിക്കുമെന്നാണ് ഛേത്രി ദേശീയ മാദ്ധ്യമത്തോട് വ്യക്തമാക്കിയത്.
രാജ്യത്തെ പ്രതിനിധീകരിച്ച് ഏഷ്യൻ ഗെയിംസിൽ പങ്കെടുക്കാൻ ഞാൻ തയ്യാറാണ്. ഐഎസ്എൽ ക്ലബ്ബുകൾ രാജ്യത്തിന്റെ മികച്ച പ്രകടനത്തിനായി എന്തുകൊണ്ടാണ് താരങ്ങളെ വിട്ട് നൽകാൻ തയ്യാറാകത്തതെന്ന് അറിയില്ലെന്നും താരം വ്യക്തമാക്കി. ഏഷ്യൻ ടൂർണമെന്റുകളിൽ പങ്കെടുക്കുന്ന ടീമുകൾ താരങ്ങളെ വിട്ട് നൽകാത്തിന്റെ കാരണം മനസിലാകുമെന്നും താരം കൂട്ടിച്ചേർത്തു. ഏഷ്യൻ ഗെയിംസിനായി നിലവിൽ പ്രഖ്യാപിച്ച ടീമിലെ താരങ്ങൾക്ക് പരിശീലനം നടത്താൻ സമയവും അധികം ലഭിച്ചിട്ടില്ല.
Comments