പ്രധാനമന്ത്രി നരേന്ദ്രമോദിയ്ക്ക് ജന്മദിനാശംസകൾ അറിയിച്ച് നടൻ ഉണ്ണി മുകുന്ദൻ. നവഭാരതത്തിന്റെ ഉരുക്ക് മനുഷ്യന് പിറന്നാൾ ആശംസകൾ നേരുന്നു എന്ന് ഉണ്ണി മുകുന്ദൻ സമൂഹമാദ്ധ്യമങ്ങളിൽ അറിയിച്ചു.
ഈ മഹത്തായ രാജ്യത്തിന്റെ ബഹുമാന്യനായ പ്രധാനമന്ത്രിക്ക് ജന്മദിനാശംസകൾ നേരുന്നു. ഒപ്പം താങ്കളുടെ ആരോഗ്യ സൗഖ്യത്തിനായി പ്രാർത്ഥിക്കുന്നു. ജി20 ഉച്ചകോടിയുടെ മഹത്തായ വിജയത്തിന് അഭിനന്ദനങ്ങളും എന്നാണ് ഉണ്ണി മുകുന്ദന്റെ കുറിച്ചത്.
നടൻ വിവേക് ഗോപനും സമൂഹമാദ്ധ്യമങ്ങലിലൂടെ പ്രധാനമന്ത്രിയ്ക്ക് ജന്മദിനാശംസകൾ അറിയിച്ചിരുന്നു. ‘ഭാരതത്തെ ഒരുപാട് തവണ അഭിമാന നിമിഷത്തിലേക്ക് എത്തിച്ച പ്രധാന സേവകന് ഭാരതാമ്പയുടെ പ്രിയ പുത്രന് പിറന്നാൾ ആശംസകൾ..’ എന്നായിരുന്നു താരത്തിന്റെ കുറിപ്പ്.
പ്രധാനമന്ത്രി നരേന്ദ്രമോദിയുടെ 73-ാം പിറന്നാൾ ദിനമായ ഇന്ന് വിപുലമായ ആഘോഷങ്ങളാണ് ബിജെപി സംഘടിപ്പിച്ചിരിക്കുന്നത്. ഒക്ടോബർ 2 വരെ നീണ്ടുനിൽക്കുന്ന ആഘോഷങ്ങളിൽ നിരവധി സേവന പ്രവർത്തനങ്ങൾ പാർട്ടിയുടെ നേതൃത്വത്തിൽ നടക്കും.
Comments