ഏഷ്യാ കപ്പിൽ ഇന്ത്യക്ക് വിജയം സമ്മാനിച്ച ഓൾ റൗണ്ടർ മുഹമ്മദ് സിറാജിനെ പ്രശംസിച്ച ട്വിറ്റ് ഡിലീറ്റ് ചെയ്ത് പാകിസ്താൻ മുൻതാരം ഉമർ അക്രമൽ. ‘നിങ്ങൾ ഫൈനലുകളിൽ അത്ഭുതമാണ് സിറാജ്’ എന്നാണ് ട്വിറ്ററിലൂടെ താരം ഉദ്ദേശിച്ചത്. മുഹമ്മദ് സിറാജിനും ടീം ഇന്ത്യയ്ക്കും ഇങ്ങനെ ആശംസകൾ നേർന്ന ട്വിറ്റാണ് ഇപ്പോൾ അപ്രത്യക്ഷമായത്. ഏഷ്യാ കപ്പിൽ പാകിസ്താൻ മോശം കാഴ്ചവെച്ചതിന് പിന്നാലെയാണ് ഉമർ ട്വീറ്റ് ചെയ്തത്. ഇത് രൂക്ഷമായ വിമർശനങ്ങൾക്ക് വഴിതെളിച്ചിരുന്നു. ഇതോടെയാണ് ട്വീറ്റും മുക്കി ഉമർ ഓടിയതെന്നാണ് ഒരു വിഭാഗം ആരാധകർ പറയുന്നത്.
എന്നാൽ ട്വിറ്റിലെ തെറ്റാണ് ഡിലീറ്റ് ചെയ്യാൻ കാരണമെന്നാണ് ഇപ്പോൾ ആരാധകർ പറയുന്നത്. ‘യു വാസ് അമേസിംഗ് ഇൻ ഫൈനൽസ്’ എന്ന ഉമർ അക്മലിന്റെ ട്വിറ്റിൽ ഗ്രാമർ തെറ്റുകൾ ഉണ്ടെന്നാണ് വിമർശനം. യു വാസ് അമേസിംഗ് ഇൻ ഫൈനൽസ് എന്നതിന് പകരം ‘യു വേർ അമേസിംഗ് ഇൻ ഫൈനൽസ്’ എന്നായിരുന്നു ഉമർ എഴുതേണ്ടിയിരുന്നത് എന്ന് ട്വിറ്റിന് താഴെ നിരവധി ആരാധകർ ചൂണ്ടിക്കാട്ടി. ഇതോടെ ട്വിറ്റ് ഡിലീറ്റ് ചെയ്യാൻ നിർബന്ധിതനാവുകയായിരുന്നു പാക് മുൻ താരം. ഏഷ്യാ കപ്പ് ഫൈനലിലെ ആറ് വിക്കറ്റ് നേട്ടത്തിൽ മുഹമ്മദ് സിറാജിനെ പ്രശംസിച്ച് ഉമർ അക്മൽ ട്വീറ്റ് ചെയ്തിരുന്നു എന്നത് യാഥാർഥ്യമാണ്.
