മലയാള നടിമാർ ഒരു പ്രത്യേക വിഭാഗമാണെന്നും അവർ സ്ക്രീനിൽ വന്നാൽ വല്ലാത്തൊരു മാജിക് ആണെന്നും തമിഴ് നടൻ വിശാൽ. തനിക്കൊപ്പം അഭിനയിച്ച മലയാളി നടിമാരെകുറിച്ചാണ് വിശാൽ സംസാരിച്ചത്. ഒരു മാദ്ധ്യമത്തിന് നൽകിയ അഭിമുഖത്തിലായിരുന്നു ഇക്കാര്യങ്ങൾ പറഞ്ഞത്.
‘തമിഴ് സിനിമയില് നായികമാരായി മലയാളികളാണ് കൂടുതലും വരുന്നത്. എന്റെ മിക്ക സിനിമകളിലും മലയാളികളാണ് നായികമാരായത്. മീര ജാസ്മിന്, മംമ്ത മോഹന്ദാസ്, ലക്ഷ്മി മേനോന് അങ്ങനെ ഒരുപാട് പേരുണ്ട്. മലയാള നടിമാര് വളരെ ടാലന്റഡാണ്. അവര് ഒരു പ്രത്യേക വിഭാഗമാണ്. എന്തുകൊണ്ടാണെന്ന് അറിയില്ല. എന്നാല് അവര് സ്ക്രീനില് വന്നാല് വല്ലാത്തൊരു മാജിക്കായിരിക്കും.
മലയാള സിനിമയിലെ ഫഹദും ടൊവിനോയും ദുല്ഖറും മികച്ച നടന്മാരാണ്. പ്രണവ് മോഹന്ലാല് അഭിനയിക്കുമെന്ന് ഒരിക്കലും പ്രതീക്ഷിച്ചിരുന്നില്ല. ഫഹദ് ഒരു ഫന്റാസ്റ്റിക് ആക്ടറാണ്. ടൊവിനോക്ക് അസാമാന്യ അഭിനയമാണ്. ദുല്ഖര് ഒരു ഫിനോമിനല് ആക്ടറാണ്. കാളിദാസും അഭിനയിക്കുന്നുണ്ട്. ലാല് സാറിന്റെ മകന് പ്രണവ് ബ്രില്യന്റായാണ് അഭിനയിച്ചത്. ഞാനത് പ്രതീക്ഷിച്ചതേയില്ല. ഫാമിലി ഫ്രണ്ടെന്ന നിലയില് പ്രണവിനെ നന്നായി അറിയാം. പ്രണവിന്റെ സിനിമ കണ്ടപ്പോള് വളരെയധികം സന്തോഷവും അഭിമാനവും തോന്നി.’- വിശാല് പറഞ്ഞു.
