സഹകരണ ബാങ്ക് അഴിമതി ന്യായികരിച്ച മന്ത്രി എംബി രാജേഷിനെ വിമർശിച്ച് ഹരീഷ് പേരടി. എം.ബി രാജേഷ് അല്ല എം.ബി.എ രാജേഷാണെന്നായിരുന്നു നടന്റെ പരാമർശം. സഹകരണ ബാങ്കിൽ നടക്കുന്ന അഴിമതികൾ വലിയ പ്രശ്‌നമാണോ എന്നായിരുന്നു എംബി രാജേഷ് ചോദിച്ചത്. പൊതുമേഖല ബാങ്കിൽ നടക്കുന്നവയുമായി തട്ടിച്ചുനോക്കിയാൽ ഇതൊന്നും അത്ര വലുതല്ലെന്നായിരുന്നു മന്ത്രിയുടെ വാദം.
രാജേഷിന്റെ ഈ വാദത്തെയാണ് നടൻ വിമർശിച്ചത്. നമ്മുടെ വരയെ ചെറുതാക്കാൻ മുകളിൽ ഒരു വലിയ വര വരച്ചാൽ മതിയെന്ന് തിരിച്ചറിവുള്ള നല്ലവനല്ലാത്ത, കൊള്ളരുതാത്ത കച്ചവടക്കാരനെന്നും, എം.ബി രാജേഷ് അല്ല എം.ബി.എ രാജേഷാണെന്നും പേരടി പറഞ്ഞു. കളവ് വലുതാണോ ചെറുതാണോ എന്ന് തീരുമാനിക്കാനുള്ള സ്വാതന്ത്ര്യം കള്ളൻമാർക്കാണെന്നും നാട്ടുക്കാർക്കല്ലെന്നുമാണ് നടൻ വിമർശിച്ചത്.
ഹരീഷ് പേരടിയുടെ പോസ്റ്റ്:
താങ്കൾ വെറും എം.ബി.രാജേഷ് അല്ല…എം.ബി.ഏ.രാജേഷാണ്… Master of Business Administration രാജേഷ്…നമ്മുടെ വരയെ ചെറുതാക്കാൻ മുകളിൽ ഒരു വലിയ വര വരച്ചാൽ മതിയെന്ന് തിരിച്ചറിവുള്ള നല്ലവനല്ലാത്ത,കൊള്ളരുതാത്ത കച്ചവടക്കാരൻ…ചുരുക്കി പറഞ്ഞാൽ കളവ് വലുതാണോ ചെറുതാണോ എന്ന് തീരുമാനിക്കാനുള്ള സ്വാതന്ത്ര്യം കള്ളൻമാർക്കാണെന്ന്.. നാട്ടുക്കാർക്കല്ലെന്ന്.. സ്വാതന്ത്ര്യം കൊള്ളയിസം കള്ളൻമാർ സിന്ദാബാദ്..
