പത്താമത് ഗണേശസേവാ പുരസ്കാരം ശ്രീജിത്ത് പണിക്കർക്ക്. കരേറ്റ സാർവ്വജനിക ഗണേശോത്സവത്തിന്റെ ഭാഗമായാണ് പുരസ്കാരം നൽകുന്നത്. ഇന്ന് നടക്കുന്ന സാംസ്കാരിക സദസ്സിൽ പുരസ്കാരം സമർപ്പിക്കും. കേളപ്പജിയുടെ കൊച്ചുമകനും പ്രശസ്ത ഫോട്ടോഗ്രഫറുമായ നന്ദകുമാർ മൂടാടിയാണ് പുരസ്കാരം നൽകുക.
പ്രശസ്തിപത്രവും ശിൽപവും 11,000 രൂപയും അടങ്ങുന്നതാണ് പുരസ്കാരം. കെപി ശശികല ടീച്ചർ, എസ് രമേശൻ നായർ, വാവ സുരേഷ് തുടങ്ങി ഒൻപത് പ്രമുഖരെ മുൻ വർഷങ്ങളിൽ ഗണേശസേവാ പുരസ്കാരം നൽകി ആദരിച്ചിട്ടുണ്ട്.
