ലോകക്രിക്കറ്റിലെ ഏറ്റവും മികച്ച ബൗളർ ഇന്ത്യൻ താരം ജസ്പ്രീത് ബുമ്രയാണെന്ന് ഇംഗ്ലണ്ട് ഓൾറൗണ്ടർ ക്രിസ് വോക്സ്. വൈറ്റ് ബോൾ ക്രിക്കറ്റിൽ ബുമ്ര തിളങ്ങുമെന്നും അതിനുളള എല്ലാ കഴിവും താരത്തിനുണ്ടെന്നും വോക്സ് പറഞ്ഞു. 2023 ഏകദിന ലോകകപ്പിന് മുന്നോടിയായി വിസ്ഡയോട് സംസാരിക്കവേയാണ് ബുമ്രയെ കുറിച്ച് വോക്സ് പറഞ്ഞത്.
ജസ്പ്രീത് ബുമ്രയാണ് ലോകത്തിലെ ഏറ്റവും മികച്ച ബൗളർ എന്നാണ് ഞാൻ കരുതുന്നത്. എല്ലാ ഫോർമാറ്റുകളിലും മികച്ച പ്രകടനം നടത്താൻ അവന് കഴിയുന്നുണ്ട്. മിക്കകളികളിലേയും താരം അവനാണ്. അവന്റെ ബൗളിംഗും ആക്ഷനും എല്ലാവരെയും ആശ്ചര്യപ്പെടുത്തുന്നതാണ്. ബുമ്രയുടെ ബൗളിംഗ് ആക്ഷൻ മറ്റാരെക്കാളും വ്യത്യസ്തമാണ്. കൂടാതെ അയാൾക്ക് ഉയർന്ന വേഗതയിൽ പന്തെറിയാനുളള കഴിവുണ്ട്. ഏകദിന- ടി-20 മത്സരങ്ങളിൽ തിളങ്ങാനുളള എല്ലാ കഴിവും അവനുണ്ട്.- വോക്സ് പറഞ്ഞു.
