ഇന്ത്യൻ നായകൻ രോഹിത് ശർമ്മയുടെ ഇഷ്ടപ്പെട്ട ബാറ്റിംഗ് പങ്കാളിയാര്! അവിസ്മരണീയമായ പലകൂട്ടുകെട്ടുകളും താരത്തിനൊപ്പം മത്സരത്തിൽ പിറന്നിട്ടുണ്ട്. ആ ബാറ്റിംഗ് പങ്കാളിയെ കുറിച്ച് തുറന്ന് പറഞ്ഞിരിക്കുകയാണ് ഇന്ത്യൻ നായകൻ.
ഓപ്പണിംഗ് ബാറ്റർ ഫീൽഡിനകത്തും പുറത്തും ധവാനെയാണ് പങ്കാളിയായി തിരഞ്ഞെടുത്തത്. ഏകദിന ക്രിക്കറ്റിലെ ഏറ്റവും മികച്ച ഓപ്പണിംഗ് ജോഡികളാണ് ഇരുവരും. 117 തവണ ഒരുമിച്ച് ക്രീസിലിറങ്ങിയ ഇരുവരുടെയും കൂട്ടുകെട്ടിൽ പിറന്നത് 5,193 റൺസാണ്.
ഞാനും ധവാനും തമ്മിൽ കളിക്കളത്തിനകത്തും പുറത്തും നല്ല സൗഹൃദമാണ്. വർഷങ്ങളോളം ഞങ്ങൾ ഒരുമിച്ചു കളിച്ചു, അവനുമൊത്തുളള പാർടണർഷിപ്പ് ഞാൻ ഒരുപാട് ആസ്വാദിച്ചു. അവനിലൊരു തരം പ്രത്യേക ഊർജ്ജമുണ്ട്. ഇന്ത്യയുടെ ഓപ്പണിംഗ് ജോഡിയായി ഞങ്ങൾ റെക്കോർഡുകളും രചിച്ചു.- രോഹിത് പറഞ്ഞു.
2013 ചാമ്പ്യൻസ് ട്രോഫിയിലാണ് രോഹിത്- ധവാൻ കൂട്ട്കെട്ട് ആദ്യമായി ഒരുമിക്കുന്നത്. പിന്നീട് ഏകദിന ക്രിക്കറ്റ് ചരിത്രത്തിലെ ഏറ്റവും മികച്ച ഓപ്പണിംഗ് ജോഡികളായി ഇരുവരും മാറി. ഇരുവരിൽ ധവാനായിരുന്നു അഗ്രസീവായ പ്രകടനം പുറത്തെടുത്തത്. ഇക്കാലയളവിൽ ഇരുവരും ഇന്ത്യൻ സാഹചര്യങ്ങളിൽ വിദേശ താരങ്ങളെ വെള്ളം കുടിപ്പിച്ചു.
