കാഠ്മണ്ഡു: അണ്ടർ 19 സാഫ് കപ്പ് ഫുട്ബോൾ ടൂർണമെന്റിന്റെ സെമിഫൈനലിൽ പ്രവേശിച്ച് ഇന്ത്യൻ ഫുട്ബോൾ ടീം. ഭൂട്ടാനെ 2-1 എന്ന സ്കോറിന് തകർത്ത് ഗ്രൂപ്പ് ബിയിൽ ചാമ്പ്യൻമാരായാണ് ഇന്ത്യയുടെ സെമി ഫൈനൽ പ്രവേശനം.
ഗ്യംസാർ ഗോയാരിയും റിക്കി മീഠെയുമാണ്് ഇന്ത്യക്ക് വേണ്ടി ഗോൾ വല കുലുക്കിയത്. ജിഗ്മെ നംഗ്യെലാണ് ഭൂട്ടാനുവേണ്ടി ആശ്വാസഗോൾ നേടിയത്. ആദ്യ മത്സരത്തിൽ ബംഗ്ലാദേശിനെ എതിരില്ലാത്ത മൂന്ന് ഗോളുകൾക്ക് ഇന്ത്യ തോൽപ്പിച്ചിരുന്നു.
ബുധനാഴ്ച നടക്കുന്ന സെമിഫൈനലിൽ ആതിഥേയരായ നേപ്പാളാണ് ഇന്ത്യയുടെ എതിരാളി. തോറ്റെങ്കിലും ഭൂട്ടാൻ സെമിയിലെത്തി.സെമിയിൽ പാകിസ്താനാണ് ഭൂട്ടാന്റെ എതിരാളി.