വാഷിംഗ്ടൺ: ടെലിവിഷൻ പരമ്പരകളിലൂടെ പ്രേക്ഷക ഹൃദയങ്ങളിൽ ഇടം പിടിച്ച നടൻ ഡേവിഡ് മക്കല്ലം (90) അന്തരിച്ചു. ന്യൂയോർക്കിലെ പ്രെസ്ബൈറ്റീരിയൻ ആശുപത്രിയിലായിരുന്നു അന്ത്യം. 1960 കളിലെ ഹിറ്റ് സീരീസായ ‘ദി മാന് ഫ്രം അങ്കിളിലെ’ ഇല്യ കുര്യാക്കേസ് എന്ന കഥാപാത്രത്തെ അവതരിപ്പിച്ച് കൗമാരപ്രായക്കാര്ക്കിടയില് ഇദ്ദേഹം ഹൃദയസ്പർശിയായി മാറിയിട്ടുണ്ട്.
എൻസിഐഎസിന്റെ 450-ലധികം എപ്പിസോഡുകളിൽ പോസ്റ്റ്മോർട്ടം വിദഗ്ധന്റെ വേഷവും ഇദ്ദേഹം ചെയ്തിട്ടുണ്ട്. ‘ദി മാൻ ഫ്രം അങ്കിളി’ലെ ‘ഇല്ല്യ കുര്യാക്കേസ്’ എന്ന റഷ്യൻ ഏജന്റിന്റെ കഥാപാത്രത്തിലൂടെ ഗോൾഡൻ ഗ്ലോബ്, എമ്മി പുരസ്കാര നാമനിർദേശം എന്നിവയ്ക്കും മക്കല്ലം അർഹനായിട്ടുണ്ട്. 1979 മുതല് 1982 വരെ ബ്രിട്ടീഷ് സയന്സ് ഫിക്ഷന് പരമ്പരയായ ‘സഫയര് ആന്ഡ് സ്റ്റീലില്’ അദ്ദേഹം അഭിനയിച്ചു. ‘പെറി മേസണ്’, ‘ദി ഔട്ടര് ലിമിറ്റ്സ്’, ‘മര്ഡര്, ഷീ റൈറ്റ്’, ‘സെക്സ് ആന്ഡ് ദി സിറ്റി’ എന്നിവയുള്പ്പെടെ നിരവധി ടെലിവിഷന് ഷോകളിലും അതിഥി വേഷത്തില് അദ്ദേഹം പ്രത്യക്ഷപ്പെട്ടുണ്ട്.
സ്കോട്ട്ലൻഡിൽ ജനിച്ച മക്കല്ലത്തിന്റെ മാതാപിതാക്കൾ സംഗീതജ്ഞരായിരുന്നു. അതുകൊണ്ടുതന്നെ സംഗീതമേഖലയിലായിരുന്നു മക്കല്ലത്തിന്റെ തുടക്കം. സിംഫണി ഓർക്കസ്ട്രകളിലൂടെയും ശ്രദ്ധനേടിയിരുന്നു.
