ഇന്ത്യക്ക് ആറാം സ്വർണം; എയർ പിസ്റ്റലിൽ ചൈനയെ തകർത്ത് ഇന്ത്യൻ ഷൂട്ടേഴ്സ്

ഏഷ്യൻ ഗെയിംസിന്റെ അഞ്ചാം ദിനത്തിൽ മെഡൽ വേട്ട തുടങ്ങി ഭാരതത്തിന്റെ ചുണക്കുട്ടികൾ. പുരുഷ വിഭാഗം എയർ പിസ്റ്റൽ മത്സരത്തിൽ സ്വർണം നേടിയാണ് 5-ാം ദിനം തുടങ്ങിയിരിക്കുന്നത്. പുരുഷന്മാരുടെ 10 മീറ്റർ എയർ പിസ്റ്റൽ മത്സരത്തിൽ ഇന്ത്യയുടെ സരബ്ജോത് സിംഗ്, ശിവ നർവാൾ, അർജുൻ സിംഗ് ചീമാ എന്നിവരടങ്ങുന്ന സംഘമാണ് ചൈനയെ തകർത്ത് സ്വർണം സ്വന്തമാക്കിയത്.

🥇GOLD STRIKE at #AsianGames2022!

🇮🇳's Men's 10m Air Pistol Team – Sarabjot Singh, Shiva Narwal, and Arjun Singh Cheema – clinches GOLD! 🇮🇳🏆 adding to India's stellar shooting success at the games. 🌟👏

Many Congratulations to the amazing trio🔥⚡#Cheer4India#JeetegaBharat… pic.twitter.com/cBkmJigM5B

— SAI Media (@Media_SAI) September 28, 2023

1734 പോയിന്റുമായി ഇന്ത്യൻ ടീം സ്വർണവും 1733 പോയിന്റുമായി ചൈന രണ്ടാമതും 1730 പോയിന്റുമായി വിയറ്റ്‌നാം വെങ്കലവും നേടി. ഷൂട്ടിംഗിൽ ഇന്ത്യ നേടുന്ന നാലാമത്തെ സ്വർണമാണിത്. ഇതുവരെ ആറ് സ്വർണ മെഡലുകളാണ് ഇന്ത്യ നേടിയിരിക്കുന്നത്. ഷൂട്ടിംഗിൽ നാല് സ്വർണവും നാല് വെള്ളിയും അഞ്ച് വെങ്കലവുമടക്കം 13 മെഡലുകളാണ് ഇന്ത്യയ്‌ക്കുള്ളത്. വനിതകളുടെ 60 കി.ഗ്രാം വുഷുവിൽ ഇന്ത്യയുടെ റോഷിബിനാ ദേവി നയോറെം വെള്ളിമെഡലും നേടിയിട്ടുണ്ട്. ചൈനയുടെ സിയാവോയ് വുവുനെതിരെ മത്സരിച്ചാണ് നയോറെം രണ്ടാം സ്ഥാനത്തെത്തിയത്.