നല്ല ബിരിയാണി ഏത് കിട്ടിയാലും ഭക്ഷണ പ്രേമികൾക്ക് കുശാലാണ്. എന്നാൽ ഏകദിന ക്രിക്കറ്റ് ലോകകപ്പിന്റെ സന്നാഹ മത്സരത്തിനിടെ പാകിസ്താൻ വൈസ് ക്യാപ്റ്റൻ ഷദാബ് ഖാന്റെ ബിരിയാണിയെ പറ്റിയുളള പ്രസ്താവനയാണ് ഇപ്പോൾ ക്രിക്കറ്റ് ലോകത്തെ ചർച്ചാവിഷയം. പാക് താരങ്ങൾ ഹൈദരാബാദി ബിരിയാണി കഴിക്കുന്നതിനെ കുറിച്ചായിരുന്നു ഷദാബിന്റെ പ്രതികരണം.
കറാച്ചി ബിരിയാണിയെക്കാൾ ഹൈദരാബാദി ബിരിയാണി ഇഷ്ടപ്പെട്ട കളിക്കാർ ടീമിലുണ്ട്. അവർ ആ രൂചി ഇല്ലാതാകാൻ ആഗ്രഹിക്കുന്നില്ല. ദിവസവും ഇപ്പോൾ കഴിക്കുന്നത് ഹൈദരാബാദി ബിരിയാണ്. അത് കൊണ്ടാണ് മത്സരത്തിൽ ഇടക്ക് തിരുമാനങ്ങൾ എടുക്കാനും യുക്തിക്കനുസരിച്ച് പ്രവർത്തിക്കാനും താരങ്ങൾ മന്ദഗതിയിലാകുന്നതെന്നും ഷദാബ് പറഞ്ഞു.
ലോകകപ്പ് സന്നാഹ മത്സരത്തിൽ പാകിസ്താൻ ന്യൂസിലൻഡിനോടും ഓസ്‌ട്രേലിയയോടും തോറ്റിരുന്നു. ഫീൽഡിംഗിലെ പിഴവുകളാണ് പാകിസ്താന്റെ തോൽവിക്ക് കാരണമായത്. ഓസ്‌ട്രേലിയക്കെതിരെ നിലവാരം കുറഞ്ഞ ഫീൽഡിംഗിന്റെ പേരിൽ പാക് ടീം കടുത്ത വിമർശനമാണ് നേരിടുന്നത്.
